At the end of 2012既中式Risotto(糯米飯)

2012最後一篇post

今日好凍，昨晚有d失眠，個腦不停Loop今年既事

有開心、有感恩，亦有失望失落唔忿氣氣餒同灰心

失望失落唔忿氣灰心都出自同一事，呢件事我開始感覺離我而去，即使自己找機會，都唔容易

有開心
今年識到好多唔同朋友，眼界廣闊了，思維也改進了
我同大少爺分別都去以馬忤斯旅程，無限感恩，第一次有呢種好實在被耶穌愛著既感覺
大少爺同我身體都算ok，已經好感恩

心底裡仍有d結未解開，不過…我相信上帝一定會親自為我解

感恩大家仍支持著我，2013希望我仍然有好多idea同大家分享

2012最後一篇係

Well..........中式Risotto

用上 chinese sausage ,peanuts,egg spring onion,dried prawn

即係.........糯米飯囉！哈哈

邊個話糯米飯一定糯米飯咁既樣？可以係蛋糕、可以係.......西式樣既

2012最後一個玩野之作！哈



糯米   2嘜，先用水浸2個鐘，唔好用熱水浸，浸over會太淋無糯米飯質感

臘腸切粒、蝦米浸軟、蛋可以煎定蛋皮切絲，留d蔥白切粒

臘腸、蝦米爆香，灑少少酒落去，然後盛起備用

糯米隔去水份，落鑊炒，炒至略乾身可以再灑少少水，然後重複至糯米剛熟，跟住臘腸、蝦米蔥白放埋落去兜勻

然後加豉油同糖，可以遂少加至上色(如想方便可以用煲仔飯豉油，帶少許甜又唔會過鹹易上顏色)，兜勻後可以上碟灑上花生同蛋絲

至於花生，我會焗唔會炸，又唔會貪方便去買炸好既

加少少油落花生面撈勻，然後......................160度火焗8~10分鐘(視符火力，睇火啊)，放涼就會脆

焗到18歲…卜卜脆

Tasting.......富豪軒

下雨天　總掛念從前

球場上那可愛片段

突然又已一年　祈望再會面
舊朋友　就算心永未遙遠
但這刻渴望見　即使重聚再短

在大雨中既一日，我的確望住窗外，突然LOOP呢隻歌

屋企平時望到對面海，今日完全濛了

滴答滴答

仲有兩日就2013，感覺好快又一年

個blog又踏進新一年

無錯！雨天令人浮現好多思緒

包括…那一餐既辣子雞，令我流眼淚

就係呢餐

早前同不眠王子、meling、何師奶一齊去富豪酒店既富豪軒 試菜

試到了一個回味無窮既辣子雞，同非常好味既杏仁白肺湯

一齊睇睇丫

特色三小碟

有口水雞、蜜汁叉燒同脆皮牛坑腩

脆皮牛坑腩炸完都鬆化唔un，的確係好考功夫的

杏汁燉白肺湯

雖然我唔食個肺，但個湯非常好味，尤其我喜愛杏仁味，呢個湯滿分

豆酥桂魚

魚夠嫩，加上惹味豆酥

芙蓉黃金蝦

呢個蝦肉夠彈，個鹹蛋上得夠乾身剛剛好

珍菌千頁豆腐

辣子雞

呢個辣子雞好好食，有川椒葉，個雞又香又辣

我食到標眼水仍然食落去

其實我本身對眼食熱食物都會標眼水的，所以食辣就更加

我其實算係食得辣，但唔鍾意死辣，即係毫無層次既辣我唔like，有時見d人乜都加辣椒油，跟本食不知其味

我只愛有層次既辣，呢個雞合我心意

富貴櫻花蝦蛋白炒飯

好食！令唔太愛飯既我都食

秋冬適合既薑汁撞奶配生果

謝謝師傅送上新鮮做既XO醬

個醬好鮮香，我....................試過用來撈飯食

哈

璀燦至平淡(自家煨番薯)

當經過聖誕節玩玩食食幾日後……突然

無乜胃口

呢個無胃口係從心理至到生理，又由生理至到心理

內內外外，由內至外再由外至內

就係無乜胃口，諗唔到想食乜

幸好…我永遠晌屋企都唔會餓得瓜既

早兩日買一堆番薯回來，整個棉花糖番薯批，剩低兩小個

就係呢兩個，就決定呢兩個，用呢兩個做我既午餐

當然就咁烚對我來講未免..........太簡單

還記得我每年一煨嗎？

又係自家煨番薯




只要洗乾淨，個外皮煨完一樣食得，仲好好食

在打仗時，人們靠番薯及番薯片充飢，係一樣好慘淡既事

2012年，食番薯係因為太豐足，偶然想簡單清淡而健康既事

我今次用4片片糖煲番薯，用小煲煲，煲20分鐘

然後放入焗爐 220度火焗15分鐘，經過片糖水煮過既番薯再焗，會傳出街邊煨番薯既9香味

大家Like個page，因為我update得緊貼一d
買完d野又鍾意放上去 https://www.facebook.com/taisiu9

聖誕後記之棉花糖意亂情迷(棉花糖番薯批)

聖誕過得好開心

有二人既快樂！又有一堆人既快樂

24號…休息同落街睇教會報佳音

25號...同大少爺 shopping順便買聖誕禮物，然後返屋企搵呀癲爐BBQ

26號...Happy together既party

27號....回味中~

太快樂了

最快樂係研究到新甜品，24號晚我有朋友send張相比我，係一個甜品

佢話底下係番薯，然後面層係棉花糖，焗起就食得，好好食

佢簡直挑起我條筋，第二日即刻試整，超好食

於是昨晚聚會我又整……癲了一樣

佢易整又令人有興奮感覺

呢個細杯裝用細粒棉花糖，但其實用大粒先盡慶的



番薯烚熟，用幾多視符你需要，兩個人用一大個，多幾個人就用多一個

番薯份量最好同棉花糖一比一，咁棉花糕溶了可以包住番薯

我用Fissler支神仙棒，打成蓉，大家也可以壓爛佢

然後加少少牛油，加少少牛油會更加香，唔會太寡

鋪上棉花糖，用大粒會好食d，否則用細粒要鋪兩層先做到.....融合既效果

用200度焗 10~15分鐘，或者至棉花糖上晒色及溶溶地，當然時間要視符火力而定既

跟住兩者一齊食先有意思的

好！我當晚又BBQ

今次燒牛扒同用鹽麴醃牛舌去燒，非常好食

仲有多春魚

無雞亦時間快d，又唔會有油彈！開心

我同大少爺癲左咁燒棉花糖多士，將麵包放爐底烘脆，然後再加棉花糖

好食到不得了！又一癲作

Boxing Day

交換禮物其實最開心係之前，我一定會嚇朋友，講一欲哭無淚既idea，最後當然會唔會咁做

不過…當中一定有笑料的

睇下昨晚既情況

辨認酒杯既小玩意

晌5R訂火雞

大家都一齊話…好少有火雞係唔"鞋"，呢隻做得好好

一開波會好好心機每人片一件，然後.........................

交由工人姐姐幫忙將佢四分五裂

當然要有一班人先可以訂火雞

否則…真係麥兜媽媽咁，食到端午節囉

原來…菠蘿腸仔仍然係可愛的

新鮮沙律一大盤

少不免我仍然係煮既重點

我又再要人食漢堡包，講真食就容易，但我攪幾粒鐘先做到15個呢

呢個係我堅持親力親為既食物

焗蝦多士，非油炸少不免有d走樣，但好食

醉蛋成為我既名物

Look…又再一次呈現溏心狀

我個芝士火鍋終於開封，呢份係禮物來的

但收到這份禮物後一直未有得用，趁今次party仲唔用盡佢

不過買現成芝士火鍋pack唔夠自己調較既好食，下次我自己買芝士整

壽司

燉牛臉肉

蝦剌身，當然我一定會自己整個泰汁啦

雜菜湯一煲

原本有麵包布甸，但食食下懶得整囉囉囉

反正有我新寵兒

Dear Friend~明年繼續！我而家已經想念聖誕節了了了

聖誕快樂~(附 crunch roll)

平安夜..........聖善夜

平安夜喇！心裡面的確好興奮

一諗起聽日可以同大少爺去買禮物、26號開party，就超級開心

聖誕節總要熱熱鬧鬧地過

不過…別忘記，聖誕節原意係紀念耶穌降生，所以…每年聖誕前崇拜都特別開心

每次都會唱聖誕詩，就會回想起幼稚園同小學既時候

不得不講句…耶穌愛你

今日我無乜特別，會整個小小小型聖誕餐比大少爺，佢從來都唔太愛西餐

咁我都係留力開party

但整個聖誕蛋糕，這白色既蛋糕係…Crunch roll

當人人覺得crunch cake係…一大個圓形既時候

我偏偏自己DIY個卷

哼

今次特登新紙坑用Fissler支神仙棒

點知…......................................我仍然未掌握得好

一定去買個蓋先，咁先無後顧之憂

最後我將d蛋白倒入個樽，等佢空間收窄，然後好快打走

睇…佢得了

做蛋糕卷最重要係.....................pre roll

當你卷起一次定型，加入餡料都可以易卷起

脆焦糖

海棉蛋糕 ~~

A)
蛋白..... 4隻
砂糖..... 60g

蛋黃..... 3隻克
砂糖.... 30克
橄欖油或粟米油.... 60克
牛奶.... 60克
麵粉 ..... 80克
泡打粉 ... 1/2 茶匙
梳打粉 ... 1/4茶匙

自製雲尼拿忌廉 ~~

淡忌廉 ...... 200克 ; 砂糖 ....... 20克 ; 雲尼拿油 .... 1/2茶匙 ; 冧酒 ..... 1/4茶匙

饀料 ~~

自選喜愛生果/果醬 (自由發揮!)

做法 :

先打起雲尼拿忌廉 ~~

1) 用電機以中速打起淡忌廉至多泡, 分2-3次慢慢加入砂糖打均, 最後加入雲尼拿油及冧酒, 繼續將忌廉打至企身, 備用!

海棉蛋糕 ~~

1) 將A 份材料既蛋白用電機打至起泡, 分2-3次慢慢加入A份砂糖, 繼續打至企身, 備用

2) 準備另一器皿, 用電機以中速將蛋黃稍作打勻, 分2-3次慢慢加入砂糖, 繼續打至淺黃色(確保打至淺黃色先好停!)

3) 將牛奶及菜油倒入2之蛋漿內打勻; 分2-3次用篩篩入麵粉、泡打粉及梳打粉, 然後用電機打勻即停

4) 先將1/3 打起的蛋白霜混入3, 用手輕輕拌勻; 然後將3全部倒入蛋白霜內, 繼續用手輕輕攪勻

5) 將4之混合物倒入一個已鋪牛油紙既平模到, 用膠刮抺平表面, 以180度焗15分鐘 (視乎焗爐火力而定)

完全放涼後，放上一張牛油紙，先試卷起，卷實放30分鐘

再攤開搽上自選餡料再卷起，雪2個鐘便可以


*其實唔需要問我個盤有幾大，我個盤只係焗爐附加既盤，你用自己個焗爐盤便可以




焦糖脆粒

呢個簡易版，之前d食譜總要加粟膠或者糖漿，我發現唔使用都得，因為稍一不慎就會失敗

反而就咁用糖去整，成功率係90%，10個%係over cook煮到焦黑


砂糖100g


水 25g


梳打粉    5g(過篩)

用一個煲仔，物質唔可以係易潔，將砂糖同水煮，中火一邊煮一邊攪，煮到起泡泡


慢慢開始微黃，只要微黃就將已過篩既梳打粉倒落去，快手攪勻


倒落不黏布上，凍後便成硬糖，叩碎便可以用


蛋糕搽cream，然後表面再搽，灑上焦糖脆粒便可以

**************************************************************************************************************
遠遠在馬槽裏，無枕也無牀，小小的主耶穌，睡覺很安康。



眾星都照耀着，主睡的地方，小小的主耶穌，睡在乾草上。



眾牲畜鳴鳴叫，聖嬰忽驚醒，小小的主耶穌，卻無啼哭聲。



我真愛主耶穌，求靠近我身，靠近我小牀邊，守我到天明。

大家Like個page，因為我update得緊貼一d
買完d野又鍾意放上去 https://www.facebook.com/taisiu9

聖誕禮物(麵包盒食譜)

聖誕前出多個我覺得適合聖誕既食物

聖誕禮物

其實我想昨晚出，但有d不是狀態，天氣忽冷忽熱…我少不免……都有d中招

不過唔好影響節日來臨

我整個禮物盒比大家

你睇…我覺得幾靚得

近來好多朋友都買麵包機，但我無買

我好朋友Avis前日送我一個麵包，好好食，最重要係我一睇個包居然諗到一樣食物想整

就係麵包盒，中間原本想放咖哩，但我因為收到另一樣禮物，所以整磨菇雞盒



Look，我只食中間既包包，留番個盒

個盒食之前要搽牛油溶液晌四邊，再焗就又香又脆

磨菇醬

我不是狀態…先係買買磨菇，我附近超市得番大磨菇，我同自己講，記得去走黑色部份先好打碎，可惜打第一隻時忘記了

到第二隻先記得切走，唔切既話會變晒黑色，所以大家記得買啡磨菇

個汁一定要夠杰先可以掛得住晌包面，所以今次我整杰身版本

食譜：

雞扒            1塊去皮

雞扒去皮後切條，用鹽、檸檬汁、胡椒粉半個鐘

磨菇醬：

啡磨菇            1盒

淡忌廉            200ml

雞湯               150ml

麵粉               2湯匙

1.將雞肉爆香，炒至5成熟便可以

2.將啡磨菇抹乾淨去椗，然後用牛油略炒，用攪拌器中打碎或切粒

3.用少少牛油起鑊，加入碎磨菇，慢慢加入麵粉，炒到磨菇黏身，慢慢加入淡忌廉

4.遂入加入雞湯，略煮

5.將個醬汁盛起，用攪拌器慢慢打勻，令磨菇同醬汁能夠混合

6.將醬汁回鑊再煮至輕微杰身加入雞肉，然後煮到個醬杰身便可以

*做磨菇醬同整磨菇湯唔同，做醬汁個醬磨菇一定要打，否則個汁唔夠濃磨菇味

今次我個醬汁係用Fissler sponsor既攪拌器

我叫佢做神仙棒，但佢唔可以打走你臉上既斑，但可以打碎果仁、肉類等等

一set連5個刀頭

不過今次我影唔到過程，因為我第一次用，令磨菇四散，手忙腳亂，日後可以詳細試下，再影相分享

同埋City's super有個專for呢類攪拌棒用既膠蓋，等我買返來就唔怕一打野會四散呢

打醬汁用

打菜蔬用

大家Like個page，因為我update得緊貼一d
買完d野又鍾意放上去 https://www.facebook.com/taisiu9

可口可樂........開動快樂

早前參加可口可樂既聖誕party…開動快樂

然後收到可樂公司送來令大少爺好快樂的飲品籃

一向係可樂迷既我倆，一開門見到呢籃飲品，的確係興奮的

謝謝可口可樂公司

除了呢籃飲品，還有1 set餐具，遲d開party開介紹吧

當然可口可樂公司唔單止有可口可樂，仲有雪碧、粒粒橙、運動飲品水動樂、大紅袍茶

仲有近年大受歡迎既爽健美茶

Party

用可樂做既飛行祺

聖誕靚罐

仲有Chef Eddy示範同主理既晚餐

Slow cook salmon

最後當然有晚餐開動肚皮既快樂

當晚晚餐全部都同飲品配對的呢

做示範的三文魚啊