舊牛油溶唔到，未整到蛋糕
今次好唔型想講睡褲，因為凍所以覺得呢隻幾好
話說上年我經過一d鋪頭，應該係九龍城，而家唔知仲有無
類似成間都賣毛巾呀、毛巾同埋毛巾果d鋪頭
見到有睡褲賣，係類似抓毛質地，當然唔係真抓毛啦
見到好似好暖咁就買4條
跟住就真係好暖！好暖，好抵買
我晌屋企堅持著睡裙，由細到大都係咁
一定要著棉質睡裙，但人越大抵冷能力越低
有一年好凍，我晌屋企著到傻婆咁
但上年買到呢隻睡褲就又暖，又無咁傻
同埋我見好多款，今年行過呢d鋪頭都有得賣，$25~30一條
你地行過見到都買來試下啦
我買一條黑色波點，但黑色易痴毛毛
粉紅色波點，易襯呀
另一條星星，都易襯
仲有一條似合桃蛋糕既豹紋，哈
好暖架，又平，不妨一試
uniqlo有套裝睡衣都好暖又好靚，但我慣著睡裙，如果著睡衣我會覺得好唔屋企
Fans page仲有新blog. Click here--->
回覆刪除咁普通嘅睡褲都俾你形容得咁可愛....(似合桃蛋糕既豹紋)....
呢啲真係好好着架又舒服又抵.....希望吾好經你介紹後又貴哂啦.....
[版主回覆01/07/2011 21:43:00]花園街有啊！你去買比自己同劉小姐啦
回覆刪除家姐,
你好好笑, 連著睡衣都要講襯唔襯...哈! 俾你激屎~
最衰你後日黎唔到, 唔係我實叫你借一條俾我著... 我依家仲係著緊背心睡裙咋...
愛你既妹上
[版主回覆01/07/2011 21:42:00]妹妹 你發熱壓既 係呀！其實合桃蛋糕豹紋好難襯我既紅色bear bear睡裙 好苦惱！哈 愛你家姐上
回覆刪除你呢幾條睡褲o既款好可愛啊！真係好抵買呀！
[版主回覆01/07/2011 21:41:00]原來花園街有啊！你路經買兩條返大西北著丫 真係好暖啊
回覆刪除唔知係咪凍到short左, 打完一段又無晒....
係呀, 呢幾年真係越包越多層. 今日我就係著住去年同你uniqlo買那套...以前在家點凍都唔會著得多, 家陣真係會凍屎.
(粉紅底白波點正啊, 在家我覺得可以著得可愛d繽紛d, 因為出街唔會咁著..哈)
[版主回覆01/07/2011 21:41:00]菇奶奶 我屋企所有睡裙都係紅色 所以買粉紅色襯囉！哈哈
回覆刪除個日見到都想買, 但又驚會敏感..所以15.16....哈哈.....我見到D圖案都好CUTE架..仲有Cartoon添呀.....但依家已經唔記得係邊度睇到添...哈哈
[版主回覆01/07/2011 21:40:00]佢其實真係好暖 我見過近聖誕，有雪花圖案啊
回覆刪除我都買左呢款睡褲, 真係暖到呢.... 仲買埋晨褸添, 真係著到有d熱囉....hahaha~
[版主回覆01/07/2011 21:39:00]哈！我反而無買佢既晨褸，你講完我都想買件
回覆刪除我都有買, 不過唔係嚮香港買, 我舊年嚮羅湖城買, 真係好抵著, 而且又暖, 大少奶你都介紹錯噃 ....
[版主回覆01/07/2011 21:39:00]原來羅湖都有，我覺得佢好好，好暖，同軟身
回覆刪除好似好好喎！不過洗了是否很難乾架？
[版主回覆01/07/2011 17:30:00]相反！一fing完已乾七成咁滯，好快乾架！
回覆刪除花園街都有好多啊，50蚊兩條，好抵著。不過可能我皮膚較干，濕度太低時，穿脫呢種料子的衣物會有靜電，電到自己又電親阿囡，好痛的~
[版主回覆01/07/2011 21:38:00]係？我又未試過電到呢！不過佢好平又暖又軟熟 個款又幾好 冬天恩物啊
回覆刪除hi hi....大少奶!!我都習慣著睡裙....不過實在太凍喇......所以早排我都買咗四條呀.....三條係唔同顏色嘅波點....一條係豹紋....睡裙要暫時放喺衣柜喇......
想 換 電 話 ?? 入黎睇睇啦
回覆刪除Click: 日 本 外 型 電 話
360 度 輕 觸 旋 轉 手 機 免 費 睇 電 視 手 機
click:. i phone 4G 免費上網 遊戲 手機
. 卡 通 手 機 __..更 多 手 機 資 料
http://hk.user.auctions.yahoo.com/hk/booth/wing_tel_94435381?userID=wing_tel_94435381&catID=&catIDselect=&clf=&u=:wing_tel_94435381&s1=&o1=&at=true
回覆刪除hi 你好 !
現見周街都有呢D褲$20/條, 摸落好軟但又好薄, 我以為唔暖, 但見你咁講真要買條試下先!