係佢

你...........有諗過聖誕餐自已整但怕應付唔到咁多嗎？

你...........有諗過當聖誕節招呼朋友、有10道菜式但8道係焗的話，點焗甜品嗎？

你...........有諗過整一個蒸既甜品嗎？

你...........有諗過整一個蒸既甜品但唔會係蒸壽包嗎？

你...........有諗過整一樣大方得體但好易既甜品嗎？

你...........有諗過就算整9個、13個或15個人既甜品都應付自如嗎？

你...........有諗過整一個易過借火但絕不失禮，容易得來別人又以為好難既甜品嗎？
自己都忍唔住....哼！一聲嗎？

你...........有諗過整一個凍食暖洋洋、熱食涼透心既甜品嗎？

如果以上你有選一項或以上...................

係佢喇！你要既甜品係佢喇

*個食譜我參考人既，唔係自已發明啊！個食譜真係蒸架

↓今次個焦糖煮得唔夠，如果煮耐d會更靚

Steamed Cream Caramel 

1杯份量，如有9人就將材料 x 9

砂糖           20g
水               1湯匙 
開水           1茶匙 

其他材料︰ 以下係1人份量，如有9人就將材料 x 9

蛋                  1個 

砂糖              20克

牛奶              100毫升 

雲呢拿香油  少許

做法：
1.水加糖煮至焦色、再加1茶匙水混合做成糖漿，倒入杯中

2)奶同糖座熱至糖溶解

3)蛋打輕輕發勻

4)雲呢拿香油、奶倒入蛋中攪勻，用篩隔去蛋渣倒入杯中，中火蒸25~30分鐘

放涼後就可以倒出布甸

*原本想 post Crème Brulee但呢個我覺得好好又方便