癲爐

Hello，今日繼續食生日飯

生日月真開心

昨日同我祕書車人食生日飯，又去Miyabi

食完後當然要去行街，其實我想去LCX睇下d聖誕禮物，因為聖誕party都未買

行完無收獲就去埋City's super啦

點知………

去到Logon見到個電烤爐，$398好抵，好想買，因為識我既人都知道我好鍾意食串燒及燒物

但你知啦！我屋企真係太多唔同用具，打算再諗諗先買

行完一個圈後，我又想行埋去，仲話：好想買個爐

點知…車人已經送比我做生日禮物了，攪到我勁興奮

我呢d新紙坑，當然晚上就整啦！因為太突然無認真去諗到底整乜

好快咁決定整金菇牛肉卷、鹽燒雞翼、蝦、芝士腸、芝士丸同埋粟米

呢個爐近日晌city's super有得賣，相信好多人都心思思有件事，我就先試啦啦啦

體積唔太大，但兩個人份量剛剛好

至於油煙，尚可以接受唔係想像中多，當然你整好油既食物會多油煙，我就覺得都ok啦



好簡單，基本上用鹽、胡椒同燒汁就可以

無奶油我唔整牛架嘛，係咪先係咪先？

金菇肥牛，加少少鹽去燒，食時加少少燒汁

但我覺得唔太好，個金菇會出水，牛肉又標油，好易滴落係發熱管

燒牛舌或者牛仔骨、牛扒會更好，下次下次下次大概可以

鹽燒雞翼

呢個只需要用粗鹽同胡椒醃，燒完乾身便好食

但最好食係新鮮既蝦啊，燒完個殼都脆，又鮮又甜

粟米加少少牛油，放底層個小盤度就可以，但最好先烚一烚會更好

超級好食燒日本年糕，堅好食

我燒了幾轉年糕

睇效果，牛肉燒完好食，唔太乾，加少少汁，正

雞翼

雞翼要先去試下，第一轉我燒得唔好，而且要實習下

最後兩隻先最靚，好好食

佢燒雞翼可以燒得熟架！放心

蝦，堅堅好食，新鮮蝦，燒完勁鮮甜

芝士腸同芝士丸好難唔好食，無得輸既

我第二轉改用架燒，個火力會更直接，攪到個年糕燒得太脆無左中間煙un感覺

仲變成墨魚丸咁既樣，不過包紫菜食真係好得架

總括來講，個爐我滿意架！但一餐飯會食三個鐘

佢唔似BBQ咁太火，屬於慢慢燒，但又的確可以做到燒既效果

要熟習幾次先！以後我又多個燒爐多條油炸鬼喇！好開心

多謝祕書車人