星期六、日都過得好暢快
今星期爆忙，全因我病了兩星期、又生眼瘡，將所有約會推到今星期
幾乎每日都係同朋友見面、shopping，仲有個試菜既event
但我都會抽時間煮飯，因為我唔會用任何藉口去冷落大少爺，佢才是我生活中既重點
雖然佢"曬衫桿"，食極唔肥，但卻是我生命中的最重要既重點
我望住個日曆，睇住自己既約會，卻不停去想，去完街就去邊度買材料煮d乜係快靚正既呢？
不過…我都只不過去CWB,TST同中環，總有City's super在左近呢
好！剛過去星期六去Tasting Event，由KC安排既，仲有澳洲得獎蠔場Pristine Oyster Farm莊主MR Brendan Guidera到來分享
講真…從來澳洲蠔都得我歡心，澳洲蠔質地會爽，其次我都愛法國蠔
但最唔鍾意係美國蠔，太creamy
今次試7款，其中一款係莊主送既
我好細個就食生蠔，因為老豆係蠔迷，佢係瘋狂愛生蠔既人，我由唔食到試到真正享受都係從佢身上學到
但佢從來無話我知蠔既帶子位係不能錯過
導致我錯過多年後，星期六先知個帶子係無比的甜！從今起我一定唔會放過呢
每一隻澳洲蠔都爽甜，海水味濃，味道由淺入深，望番都回味
從來都愛白酒多過紅酒
主菜我揀三文魚
grill既三文魚同油浸既分別都大，整既火喉好重要
呢件唔錯！至少外脆同唔算"鞋"
同埋還有…豬架
慢燴鮑魚配扁麵
甜品
一個用焦糖成份做既脆筒配雪糕，再加榛子味泡泡
完全令人感覺美滿既甜品！Like
謝謝Ambrosia 邀請及KC既安排
席間又認識新blog友，去tasting event最重要有交流，從而吸收經驗同有新思維啟發
回覆刪除樣樣都好正!不過最後個焦糖甜品今我立即諗起餅神~因為佢愛焦糖呢!
[版主回覆05/30/2012 10:16:15]佢係神經地愛焦糖！呵呵
從來無話我知蠔既帶子位係不能錯過
回覆刪除<---對呀, 我一直錯過了多年 (以前一整唔到出黎就放棄)
好在及早醒覺, 哈哈
[版主回覆05/30/2012 10:15:59]粒帶子真係好甜呢
回覆刪除大少奶同我想像既一樣．大情大聖，唔中意就鬧爆，好like!
[版主回覆05/30/2012 10:15:46]無錯！鬧爆係重點！哈
可以搵到生命中最重要既重點 ---> 實在太好了~~~
回覆刪除[版主回覆05/30/2012 10:15:28]我既重點好重要的。哈
回覆刪除豬架同三文魚都好吸引啊 ~~
[黑天使回覆05/30/2012 12:43:10]pasta 個賣相麻麻... XDD
[版主回覆05/30/2012 10:15:12]我反而想試個pasta
三文魚個ASPARAGUS OYSTER SAUCE....個樣好令人開胃呀~~味道如何~"?
回覆刪除[版主回覆05/30/2012 10:14:57]味道唔錯呢