軟乃乃 (附椒鹽九肚魚食譜)

如果愛既人好鍾意食一樣食物，我唔會扮唔知

就因為咁，我係都要整一次

初初以為無乜難度，原來唔係

一係軟乃乃既魚，原來要炸到成型係會經過忐忑同忑忐

佢軟乃乃攪到我心癢癢好想篤下佢、攪下佢

直到其中一係玩爛左，就唔敢搞

但炸極都唔硬身又開始懷疑佢係咪點整都軟乃乃？

之後開始有點眉目，心情放鬆少少

終於達標

好一味椒鹽九肚魚，居然考起我

但你軟乃乃都逃不過我兩隻手加埋既十指山，哼~

其實好易，買九肚魚、洗淨完完全全索乾水

跟住呢…就鹽同胡椒粉略醃，加大量生粉，熱鑊滾油炸

炸到佢硬身，睇到佢都應該夠十八歲(夠脆)就可以瀝起非刑事"索油"

用另外隻鑊，加蒜蓉、辣椒略炒加椒鹽，淋上魚面，done

*唔好兜d魚，好易爛的