我部電腦重見光明喇
表弟先生佢妙手仁心幫我部電腦做完微創手術後
就已經重見光明
無得頂啊
而家打字得心應手
又可以方便覆留言
甚至覺得部電腦識飛啊
多謝表弟先生仁心仁術
我就快送塊鏡牌匾比佢
寫住…電腦專科表弟醫生 妙手回春
塊牌匾要夠大，鏡面...6呎x6呎
佢好衰，話無心太軟部腦會一直壞呢壞路囉
今次仍無心太軟
我整漢堡包比佢，因為夜晚有個活動有食物，所以今次簡單為主
個漢堡包既漢堡牛肉係用另一方法整
個方法係……
加入奶同麵包糠
呢個方法係一次sheraton 酒店邀請我去參觀佢地酒店內部廚藝比賽
我見到其中一位女職員整漢堡扒
佢既漢堡牛肉加入奶同麵包糠
做出來既漢堡扒更juicy，放心當混入牛肉後就唔覺呢兩樣材料存在
只會有特別既香味，低調得來又感覺得到
像霧又像花
至於甜品呢…今次有may姐馮美基小姐送我既迷你 crunch cake
佢地今個月做迷你特別版
4吋大，3個人剛剛好唔會太大個
因為呢款蛋糕隔夜無咁好味，剛剛好KO晒
表弟先生話個cream好濃郁啊
4吋版供應期有限，但6月15至21號 Sogo counter有售
如果想試又怕大個，可以試試迷你版呢，預購價$88
不過…蛋糕係要訂架！詳情可以去睇
http://www.mayscookies.com.hk/
我就另外買個banoffee比表弟先生試
佢愛香蕉
我又唔識整呢款就買比佢試
不過…佢叫我覺啊
呢個banoffee裡面有焦糖漿、新鮮香蕉
個tart皮唔係乾脆，係鬆化既呢
雪凍d會更好味呢
既然一個留言都無，索性無留言服務，好過益垃圾留言
Fans page仲有新blog. Click here--->
沒有留言:
張貼留言
歡迎大家留言，但會先檢閱先會顯示，謝謝
此舉避免無聊九唔搭八人滋擾