大少奶的快樂廚房

我收到書喇！好開心啊！
今次相片好靚，紙質比上次好
相片清晰呢~
今次我第一位讀者係烏GG，頭先我上完出版社順道去中環比左本佢睇
好緊張佢睇完既感覺呢

今次有NESCAFE贊助我本書  "小姐.....我可以請你飲3杯咖啡嗎？"哈哈
除左陳豪同 ICAC 外，我都請你飲咖啡
原本有張poster但要再整理同埋附送方法都要再安排，容後公佈呢

上次介紹過封面，今次講下內容啦

其實寫主題係快樂！係寫我點樣去令自己快樂！
好多blog友都會話：大少奶你個人好開心啊
Um.........我其實生活得好簡單，有時我整日唔出街，但我依然覺得好快樂！
因為我有自己一套既快樂方程式！

我來自單親家庭，家姐、哥哥相差好遠，細個時都幾孤獨
其中書中提到我7歲開始就每日都怕爸爸會死
到長大當然會遇過令我沮喪既事
之後...爸爸真係離開了~

有段時間我沉溺於唔開心之中
但慢慢我就開始發掘到一套快樂formula
然後就變成別人都會感到我係快樂既人

到底我既快樂formula係點既呢？睇下咪知囉！哈哈

放心…本書睇完係令人開心，唔係血淚史啊

我的快樂方程式，其中一式

今次個序有大少爺同表弟先生，表弟先生仲會講我同佢一段痴線既童年往事

仲有fiona、Kathy、佢兩個唔寫慣野催極都寫得少少，不過缺少左外遊既Rosa

呀繼同呀蓮啊，新序人

上次既序人，變成今次既證人，係快樂證人，會晌內文穿插她們眼中快樂既我

呢個安排係我諗既呢~

食譜類分為小食、甜點、蛋糕、party food同家常菜式，全書共50個食譜

comfort food

係每個人都有一些食物，食完會令自己快樂

而我唔同季節都會有唔同既快樂食物

呢part係小食、甜點、蛋糕、湯水

仲有我心目中分左四季既食物食譜共15個食譜

大家都知我坐唔定，成日都會約唔同朋友見面

甚至gathering，當然唔少得party food~

講開Gathering

我班"餓底"你地記得睇啊！排名不分先後：

 Vanlily、笨B、呀妹、菇奶奶、呀烏GG、呀茄、mini、愛飛、呀tan、呀繼、呀蓮

裡面有一篇我寫比你地既說話，我衷心多謝你地每一個

↓Party food，裡面有15個

呢part我無 capture，其實係我影既外食篇，雖然有d你地都睇過

但希望d相都會令你地睇完覺得開心

每個人都有一些充滿感情既菜式，例如…我絕對係咕嚕肉

而書內有二十個簡易小菜

甚至有小小泰菜、小小上海菜同埋對我甚有回憶既菜式

比上一本難度增加少少，但仍然係容易做到，甚至我都做得到既菜式呢

我希望大家會鍾意呢本書，會感染到快樂，除有上述提及過既

最後多謝我既出版經理、編輯小姐、各marketing既人員及出版社上上下下既人

仲有麥生

你們給我機會、給我包容、感激你們呢