原本今晚約大少爺個朋友食飯，但因為朋友工作關系要改期，諗住可以留晌屋企抖抖
點知大少爺打電話返屋企話又唔見電話，八個月以來第二次
夜晚出去買電話又出過張電話咭
買過部電話唔係問題，但連電話內既號碼無晒，真係好煩！
仲要次次都係晌洗手間唔見，佢仲要覺得好平常喎！
買完電話食晚餐
本來約朋友食飯所以今晚有帶埋相機
嗰個經常唔見電話既大少爺食....鵝肝牛柳飯
成晚依依哦哦既大少奶食...羊架，個薯仔好好味
Strawberry Soda
買杯Godiva雪糕消下氣
但我想食既朱古力碎味無晒，得白朱古力同牛奶朱古力
呢隻都幾好味好幼滑，但我本身比較鍾意好濃無咁甜既朱古力
希望下次買到另一隻味道啦
回覆刪除大少奶唔好嬲大少爺啦 !! 我諗佢依仲忟過你呀 !! 皆因而家有手提電話嘅人大多數都已經咗失去咗記電話嘅能力, 除非佢地會將電話另外抄底, 否則要搵齊番哂 d 電話號碼睇怕都幾頭癢
回覆刪除你個blog d 相全部都好正, 好肚餓呀. 你個大少爺都唔開心, 不過我估你都慣了. 不如買埋條頸繩比佢.
回覆刪除SUZUKI的Strawberry Soda我也試過啊，不過麻麻地啊~ 我諗大少奶沖杯俾我仲好飲.....
回覆刪除唔通個電話跌咗落個馬桶??
回覆刪除...........大少爺 時攪o羊鬼成日响廁所整唔見個電話 『成晚依依哦哦既大少奶 』 咁, 大少爺今晚咪要 會唔會大少爺臨生日想買新玩具俾自己呀
回覆刪除電話...又真係無唔見過...不過夏天用來潑涼o既扇就幾日唔見一次
我最愛 Godiva Dark Choc Ice Cream & Godiva Dark Choc Raspberry ice Cream 好香﹐ 好濃choc 味啊 好耐無食啦 好掛住添
回覆刪除
回覆刪除godiva 而家有ice-cream買啦? 我好out 添
回覆刪除我初初有電話個時都唔過三四個電話，不過而家都唔會再係咁！ 原因可能係成日都唔記得左自己多左舊好貴好重要0既野。 而家個電話慣左有係身好方便，一唔知去左邊都週身唔自在，所以而家都唔會唔見。 不過我以前唔見親都係比人扒左，但我聽d男性0既uncle/朋友講，佢地成日都係洗手間 執到電話，好少聽到女性 aunti / 朋友講(包括自己)係洗手間執到。大概係因為男人好鐘意 將d野放係個褲袋到有關，而女士們好少會咁做，所以男人好常見係唔見野，而個d野係袋係褲袋。 大少奶，大少係咪成日都放個電話係褲袋，你不如叫佢唔好放係褲袋，或入洗手間野將電話掛係頸到啦！
回覆刪除我已幾年無唔見過電話, 佢係唔係成日出街的時候放在檯面丫.??
回覆刪除我係日本食godiva Belgian Dark Chocolate雪糕，好好味！
回覆刪除大少爺十成十知大少奶你一定唔會買新電話比佢, 而且自己想換個部新既所以有意冇意整唔見左...... 我對呢的好敏感因為唔想冇哂電話入面既資料, 所以起一起身我都check一check架.
大少奶, 好少見你做"哦"姐! 唔好激氣啦今次幫大少個電話內的電話簿做個 Back up! 唔駛甘麻煩!
回覆刪除
回覆刪除最衰我唔係男人, 如果唔係我實在跟住大少爺尾去廁所!! suzuki我去過朗豪坊個間, 有個芝士豆腐幾好味嫁!!
回覆刪除有次男友買左個新電話後,我冇見佢幾日佢又用返個舊既, 我:問個新既呢?做咩用返個舊呀? 佢:話個電話壞左拿去整,再之後見佢又買左個新,佢又話之前個整唔返wor... 我:買唔夠7日壞左去換個新law 佢:唔知答左我咩,好唔清楚 我:再問問問多幾問..係咪唔見左呀???? 佢:支吾以對甘話係 激死!!!
回覆刪除跟大少去toilet應該有不錯既收穫
回覆刪除依依哦哦!依依哦哦!依依哦哦
回覆刪除我老公都試過幾個月裏面唔見兩部電話 唉... ...男人都係粗心大意o的 suzuki我食過金鐘同apm兩間 原本覺得唔錯 不過幾個月前吃過一次，水準下降 所以就無再去食
回覆刪除JK 金鐘果間搬左去灣仔，另外禮頓道開左間 Pegasus 哈哈！琴晚既情形就係咁喇 你知嘛！我一向好少依依哦哦，我好唔鍾意依依哦哦既人 但琴晚我控制唔到不停依依哦哦! speakinglee 係呀！廁所門口有老婆執添呀！ Little Bridge 真係好勞氣，最激氣上次又係咁仲唔alert vanlily suzuki既蛋糕都幾靚，不過我琴日無食 你跟大少爺去廁所除左可以執電話，仲分分鐘執到佢老婆 遲早佢去完廁所唔記得執返我走 珍妮仔 係呀！一向好少依依哦哦，好怕依依哦哦既人 但好鬼勞氣，兩次都係去廁所放低晌水箱就唔見 你都知佢工作既地方幾多人來來往往，佢仲賴個水箱黑色電話又黑色所以唔為意 至於電話Back up我睬佢都傻，佢電話裡面有幾十個下屬電話、幾十個上司電話、幾十個同事電話 由鬼佢自已扮問卷調查遂個問 你睇下而家仲勞氣緊，琴日逼佢買部白色電話 NaNa 換電話都仲好好地，但唔見就唔抵 Cherub 係呀！牛奶朱古力都ok Cheryl 佢總之下放低就會唔見 小敏 佢唔肯用頸繩，兩次都係去廁所放低晌水箱就唔見 Madame Pi 係呀出左雪糕仲好幼滑 菇田基 我想試Godiva Dark Choc Ice Cream 荔枝冰 你就好啦！佢幾個月唔見一次 GG 佢想換電話無問題，佢為 唔見電話好唔抵 YanYan4小咪 佢放晌水箱面 angela bb 佢唔肯用頸繩，係佢都慣唔見電話 蝦毛 佢覺得唔見電話好平常囉！激死
回覆刪除哎呀, 如果我無帯到電話都會周身好似唔舒服咁 ，更何況唔見咗。
回覆刪除個GOOOSE LIVER 飯好吸引呀 我又好想食!! 你老公仔8個月唔見左2次電話都唔算大頭蝦 我果個可以係3個月裡面趺爛左2個電話 =.= 而家我迫佢買平MOBILE 哈哈!! 佢當然采我都傻
回覆刪除咦 ~~ 大少奶 我發覺你碟 main course 有羊角豆 而且係好完整成條 wor 好少見香港餐廳有阿 原來用成條黎做裝飾都唔錯呢 下次將羊角豆 + 番茄 搭配 試嚇先 好似好出色 wor
回覆刪除個Godvia雪糕我勁想試咗好耐喇!! 我都係同大少奶一樣鍾意食唔甜有啲苦嘅朱古力味架!! 你唔好喲大少爺啦!! 佢想換電話啫!!
回覆刪除大少奶, 算啦, 男人就係咁架喇~~ 我都好想食godiva隻darkdark古古力雪糕, 但係又想買番屋企慢慢嘆.... 都唔知點攞!
回覆刪除厠所真係好易唔見嘢。我嫲嫲(佢一啲都唔stupid, still very smart)買咗新鞋就放咗向廁格入面。好彩佢洗完手記得咋！ 好想食鵝肝飯... ...
回覆刪除羊角豆...叻沙必備之物... 正呀... Dark choc亦係我至愛... 睇黎大少奶要係大少個電話安裝追蹤器...噤就唔怕唔見... p.s... 男人好怕人哦...不過哦哦下佢地就會記得... 因為怕左人哦佢... 哦多2句好啦...
回覆刪除有同感!! 我都寫左blog..我都係鍾意classic milk chocolate 多D
嗰個經常唔見電話既大少爺食.... <-- 字裡行間滲出了怨氣
回覆刪除
回覆刪除D 男人又係既 --- 一係就唔見電話 一係唔記得帶電話 一係就聽唔到電話 都唔知要個電話做乜!!!
回覆刪除啲男人唔記得嘢 / 唔見左嘢 會不當一回事, 但如果係佢女友 / 太太 唔記得嘢/唔見左嘢 的話, 就會有排鵝.....
回覆刪除睇完妳D相都想去 Suzuki cafe 試試
回覆刪除多謝大少奶指點. 收到!