就趁今日上午有時間寫多個post
其實以前我唔會晌街外餐廳影食物，而家都唔係成日帶住相機出街
普普通通都唔會影
新加坡我去得太多好平常咁，唔會特別去影，所以其實唔係好齊全
呢輯係上年影，當時都想開個blog所以就影低，影既時候仲怕怕醜醜做賊咁
而家只進步少少
講食就一定諗到海南雞飯，出名有以前既瑞記、文華酒店、文東記、天天
我就比較鍾意津津，雞好滑，地方比天天好，但想食得舒服就一定係文華酒店或文東記
碗清湯好好味架！津津羊肉湯都出名，但天氣咁熱我就唔會飲
我一熱就易發脾氣
呢碟係雞汁炒菜，睇佢清清地，其實好好味
海鮮我一定食魔鬼魚、胡椒蟹、蜆
其實無影到相既獅鉗我晌新加坡一定食，大少爺就最怕獅鉗
上文提到既
viviweesee 佢講過佢係獅鉗狂人，晌新加坡比我食得更瘋狂
天氣太熱，刨冰係必食既佳品
睇住由一個大大甜品櫃，你要乜佢就會畢出來
我永遠揀芒果，大少爺乜都鍾意， 爸 爸生前最鍾意紅豆冰
Lau pa sat(老巴剎) 係一個好大food court，串燒一定要食
我入到去第一時間走出室外燒烤區，揀串燒，食完行返室內食刨冰
Lau pa sat係馬拉話，解菜市場，即係街市，呢度係由菜市場改建
肉骨茶
去bugis只得一個目的，就係去Zam Zam
係我好鍾意去既咖喱店，佢既
Roti Prata 好好食，我當然揀牛肉味啦
影呢張相時，那位整餅叔叔原先傾緊計，我示意影相佢就擺整餅pose啦
Roti Prata 真係好好食
我最鍾意食 mutton masala、同chicken masala
有機會執好d相再寫啦！
回覆刪除你好﹐打個招呼先﹗有空來這個 blog 交流一下好嗎﹖ www.mysleepingforest.com
回覆刪除原來新加坡甘多好嘢食架
好彩 .... 剛剛食完早餐, 唔洗古古聲 " ..怕怕醜醜做賊咁" 我宜家都係咁呀, 但有時又好想影底分享下
回覆刪除
回覆刪除回味 part 3 期待中
回覆刪除Mrs. Ivan: 仲乜咁曵 ... 係咪想打? 回: 我以前都成日食呀龍, 不過宜家好似差左, 試過幾次d咖喱都係凍既
回覆刪除啱啱想去新加坡，呢個post 真及時，very good ne！
回覆刪除大少奶, 你搞到我好想好想今個暑假又去新加坡呀?! 老巴剎係邊架? 龍少只係識得帶我去newton度食串燒同魔鬼魚咋... 不過舊年去果陣搬到好鬼遠~~ 龍少同我都係獅鉗怪, 所以食laksa一定多獅鉗, 但係邊度有炒獅鉗食??
回覆刪除獅鉗 is my favourite ~
回覆刪除原來新加坡有咁多正嘢食．． ｉｔ’ｓ ｓｏ ｇｏｏｄ
回覆刪除蜆蜆.. 講到roti prata 我有好多故仔講，等我返嚟等我返嚟.... 哈~ 我嘅故仔由呢間The Roti Prata House講起 下次你有機會再去新加坡試下喇! The Roti Prata House 246M Upper Thomson Road 好鬼衰架你，搞到我有好多嘢想寫又未等閒喎...
Bugis Zam Zam ?????!!!!!!! 哈哈哈~~~~~~~ 蜆蜆.. you know what? 我懷疑我真係曾幾何時坐響你隔離枱一齊食梗zam zam 咖哩... (大笑中) 我平均一個禮拜去3次，皆因第一任男友係 "VIP" (加東「文東記」佢全家都係 "VIP") 次次去zam zam我一定要坐 樓上 近窗口位 (一定唔肯坐正中間個張枱,靠牆枱ok) 次次都揀雞脾食， 次次都要冧靚仔印度哥哥添咖哩汁.... 哈~ 唉! 往事只能回味... 了
回覆刪除
回覆刪除omg~~~我想去新架坡
回覆刪除唔怪得知你時時都想去啦!! 我真係好想去喎!! 睇完你介招
回覆刪除♥阿愛♥ 我等如返鄉下，每年都要去 AA 真係？ viviweesee 餅餅 你直頭可能同我爸爸見過面、同我姑姐一齊食過飯 甚至我姑姐分分鐘係你學姐呢，佢都係晌city hall間學校你度讀書架，不過佢大你好多 我鍾意食羊呀 二樓有個啊叔個樣好惡架！ 你快d返來寫多d等我大力推介 仲有你既舊文章，例如…西灣河街邊曬衫果篇好好笑架 ＤＡＮＮＹ 仲有好多未寫呢 GG 獅鉗 is my favourite too 咪咪吉 老巴剎晌Raffles，搭地鐵raffles站落車行過去好近 你千其唔好記錯raffles酒店呀！raffles酒店晌cityhall有排你行呀 我唔鍾意去newton 周太太 噢！我都想去新加坡 Ivany 係呀！我以前好鍾意食亞龍既牛腩架 Little Bridge 仲有更多呢
回覆刪除大少奶, 我一見你呢個Blog開心死呀! 最鐘意的食物都係齊到呀! Roti Prat, 海南雞飯.燒魔鬼魚! 今年我地都無時間番新加坡無得食呀! 好彩肥仔家姐都是新年時帶左一大個班蘭千層糕,好好味!
回覆刪除大少奶,, 比你搞到我好想去新加波呀
回覆刪除見你隻眼完全好返我就留言啦 好容易傳染架嗎 好有感情o既介紹 呀 , thanks!
回覆刪除大少奶: 我呢兩日閉o左關, so missssss u 呀 讀書讀到 + e......之前去過星馬都唔知新加坡有o甘多好嘢食 因為我覺得馬來西亞巧似多d嘢食咁
回覆刪除好大堆刨冰呀! 淨食刨冰都飽囉!
回覆刪除一入來就好像身在星加坡,哎唷! 一邊睇一邊流口水
回覆刪除睇完之後..都想去玩下加食下丫
回覆刪除真有趣, 來了新加坡1年多, 我仍然不喜歡新加坡食物(除了雞飯). 雞飯最鍾意又平又chang! 我家附近的雞飯都係2.5坡紙一盒. 平時都係去日式餐廳, 西餐廳或上茶樓飲茶.
回覆刪除海南雞飯... ...等我仲一心諗住去天天同埋文華chatterbox 妳推介津津，等我又睇下順唔順路先，或者唔去天天地津津
回覆刪除哎呀,我去新加坡竟然唔記得食海南雞飯吖!
回覆刪除我對0的串燒最感興趣
回覆刪除珍妮仔 我都係最鍾意呢幾樣呀 Charmine 我都好想去 GG 你比心機讀書呀 Pegasus 我真係有諗過去你blog留言架！今次放過你 Madame Pi 刨冰真係食得飽 Sviden露絲陸 我都好想置身於新加坡當中 Tabby 你試下去丫！4日3夜剛剛好 jhouse 我非常想念啊 Jk 其實睇你路線，一家大細想shopping又舒舒服服一定係文華酒店，晌烏節路 如果你身處cityhall行raffles place就揀津津 牛東水的話就東記，其實就腳最好 SweetHomer 噢！海南雞飯好好合食，我一定唔會唔記得 Alice 呢度既串燒一流呀
回覆刪除你好，我住在新加坡隔壁的国家——马来西亚。如果你有来过，更要好好尝尝这里的食物。。。也是类式而也很多样化。
回覆刪除你好呀~ 對你的推介好有信心, 因為我就去SG啦~ 我想問問津津的地址! thanks!!!
[版主回覆02/08/2012 13:39:59]在地鐵city hall站，raffles hotel附近