2015年5月31日 星期日

炊公館

餐廳林立既I square有靚景既優勢

中西意法日都不缺,但當要揀一間多元化既餐廳選擇既唔多

阿一海景飯店老闆卻想出開一間Fusion既餐廳

比傳統中菜多樣化,又唔會似中菜咁呆板,East meets west概念

二人套餐由$400起,在今時今日來講已經係抵食

加上餐廳與隔鄰既米芝蓮星級阿一海景飯店係兄弟,有梁師父出品唔會差的

以下呢張相片係Dennis的,餐廳對著開揚海景,氣氛都舒服

餐廳設有Vip room,無論2個人或大伙兒也合適

大伙兒各有不同喜好都可以各有心水選擇



前菜:三文魚子皮蛋



生拆日本活毛蟹

從前出街食飯最怕食蟹怕狼狽,但師父貼心地幫忙拆定方便好多

毛蟹甜味仍在


冰鎮鱈場蟹腳

從相片都睇得出啖啖肉吧!
 

燒鱈場蟹腳

燒過既蟹殼特別香,今次略為乾身,但因為隻蟹唔細,所以仍然係啖啖肉

兩種食法各有所好


椒鹽鱈場蟹身

當然咁大隻蟹,除了蟹外蟹身都係多肉既地方

用椒鹽方法去做,難得炸過後蟹肉仍然唔會變乾

如喜歡香口食法,呢個都係其中一個選擇


香草焗法國黃雞

法國黃雞既質肉比較有彈性,配雞既燒汁淋上配菜既薯仔上,又出奇地夾呢


馬崗豉油鵝

呢個全晚我最喜歡,豉油鵝聽落普通

但呢個鵝既豉油香味足之餘帶點甜味

加上鵝肉炆完後酥鬆,肉入味之餘唔會有過火變粗

呢個好值得推介呢


陳皮蒜子蒸西江鉗魚

鉗魚本身油份多,用陳皮可以中和油膩感

加上用上鹹香既火腿去配,令魚有鮮香感,唔太食魚既我都幾欣賞呢個


德國脆皮燒豬手

燒完既豬手皮脆肉又唔乾

豬手唔會太重鹹味,再配上德國酸菜,好食


原個鱈場蟹蓋海鮮飯

鱈場蟹除了蟹身及腳外,仲有好大既蓋

當然唔好浪費,飯用鱈場蟹既蟹膏去炒,炒得夠乾爽


鮑汁炒飯,阿一海景的鮑魚很聞名

當然鮑汁都有番咁上下質素

呢個炒飯同鱈場蟹蓋炒飯唔同,呢個會偏向小小濕

因為落了鮑汁,鮑汁濃味之餘帶有少許甜,呢個飯好討好呢


 雪糕楊枝金露

經過一餐豐富晚餐,甜品又點少得呢?

同一班食友傾傾講講一晚特別開心

亦多謝豪哥精心既安排









2015年5月29日 星期五

雙節棍


今朝睇大時代,睇到心都實埋

但丁蟹上庭段結案陳詞好好笑…我係一枝樹枝,後來幾了一條雙節棍

最後枝雙節棍做錯事,打死了張股票

我覺得佢講得好好笑

今日出奇地累,累得好緊要!可能好多日無好好去睡,又睡唔夠

所以晚餐想煮得簡單d,於是又整呢個雞絲冷麵

個麵唔係重點:重點係…個秘製汁

佢可以配皮蛋、配雞絲粉皮、冷麵、更加可以用來配乜乜物物

好好食的!

冷麵用上海麵,上海唔可以用冰水去浸涼,要先煮好個麵,再用室溫水沖至涼

雞肉用雞胸肉,搽鹽,搽多少少,然後蒸熟撕成雞絲

青瓜切條

重點來喇…

2-3人份量
中式芝麻醬    2湯匙
生抽                 1湯匙
浙醋                 1湯匙
糖                     2茶匙
蒜蓉                 少許
熱水                  1湯匙
麻油                  少許(要撈勻以上汁料,最後先加)

將以上材料攪勻就可以撈個麵喇!

食既時候可以加花生碎、蔥粒

佢真係好好味的,為悶熱夏天增加胃口




大少奶's Delicatessen

宣傳你的專頁

2015年5月28日 星期四

專欄:你自己


生存於這世代,仿佛要與世間所認定的成就掛勾,什麼從起跑線開始便要贏別人。從今天起學習欣賞自己,不要否定自己的價值,也不要懷疑你在家人心中的存在價值,終有一天你會發現原來自己也是女強人

南瓜布丁,天氣開始悶熱,做些凍甜點讓身心冷靜一番

今期專欄:你自己

專欄食譜:南瓜布丁 http://goo.gl/YrR7Fg






大少奶's Delicatessen

宣傳你的專頁

2015年5月27日 星期三

巨無霸

原本…呢個係晚日既post,可惜我昨日一團糟

完全感覺有d迷失

努力去尋回自己既靈魂

假期我都有煮飯,因為個包包病,又天氣唔好都無乜出街

晌屋企食不如清清地吧

想蒸豆腐,但點樣先吸引呢?

麻婆豆腐?炸豆腐?違反清清地原則

凍豆腐?送唔到飯

蒸豆腐?可以但唔想太單調

於是我用墨魚滑去做千層豆腐?當然何來千層?馬拉糕都無馬拉啦

但換個角度去整呢個釀豆腐,除了視覺效果外,原來感覺都唔錯

平日方法去釀豆腐感覺墨魚肉同豆腐唔friend,但呢個方法又感覺佢地friend d

感覺無咁想就咁夾走件墨魚肉食(我平常都有呢個衝動的)

個墨魚肉加入紅蘿蔔既爽同芫茜既香味,咪就係…等於加了生菜同番茄既感覺囉

不過要挑剔既都唔係無,用墨魚滑蒸起太過彈牙,咁做幾層後好難將佢解體去食

所以下次我會用一層蝦膠去做呢

哼~  yo~一齊講:雙層牛肉巨無霸  醬汁洋蔥夾青瓜   芝士蔬菜加芝麻   人人食過笑哈哈






大少奶's Delicatessen

宣傳你的專頁

2015年5月23日 星期六

親民日菜 Kokomi

我鍾意行金鐘,係一個情意結

不過金鐘難搵食,我意思係想食得好,但又唔太貴既食店不多

尤其日式,想唔錯但又唔好太貴既其實本身都是難搵

早前去了新開既Kokomi Tasting,發覺又ok,價錢亦唔貴

地方寬敞適合一班朋友飯聚,有齊壽司、剌身、鐵板燒、煮物、仲有甜品、唔同類型飲品

佢既set lunch都抵,平均百幾蚊有一個

重點:金鐘

行街睇戲後一個好既歇腳點

寫埋價錢比大家參考

燒味淋魚乾 $78

有嚼勁但又唔會硬身,甜味夠

枝豆 $38


脆冷豆腐 $68

呢個我最喜歡,佢係一個冷豆腐,上面鋪了脆薯絲

然後加上天婦羅脆粒,再配上醬汁

來緊夏天食呢個都唔錯呢






火炙帶子 $48 (2pcs) 
火炙吞拿魚 $58 (2pcs) 
油甘魚 $48 (2pcs)

叫壽司可以用以下既圖牌,如果你想叫三文魚就插個牌晌人杯度

就會有人來收,幫你落order架喇



鐵板燒

大蝦 $128


蒜香肉眼薄燒 (4件) $178



脆蒜牛柳 $198

咁juicy既牛柳粒,我當然喜歡啦~


蒜片牛柳粒炒飯 $118


燒.炒.炸

鱈魚西京燒 $168

個鱈魚好好食的,但我…我…居然漏了影,嗚


北海道風醬燒海蝦 $138


櫻花蝦野菜天婦羅脆餅 $55



燒雞扒.芝麻汁冷烏冬 $128

個烏冬好好食,佢好有質感,配搭都做得好好,雖然用芝麻汁,但仍感清新呢



甜品

無諗過甜品如此出色,一直覺得香港日本餐廳做既甜品都係款式幾種

但呢度個甜品有唔同口味外,每款都好好食

沖繩冷製焗椰子布甸.菠蘿雪糕 $58


暖香蕉撻.檸檬雪糕 $58

呢個我最喜歡既甜品,個撻酥脆,配上香蕉同朱古力汁,但加了檸檬雪糕又完全另一個感覺

中和了甜膩品




朝比奈抹茶奶凍.紅豆忌廉汁.黑芝麻雪糕 $58


杏仁豆腐.黑芝麻糖漿.黑芝麻雪糕 $58

呢個又係另一個無得輸既組合

大家即使唔食鹹點,都可以來食個甜口吧



大少奶's Delicatessen

宣傳你的專頁

2015年5月22日 星期五

專欄:彩虹

繼續今個月女強人為主題
在Yahoo blog年代認識她時,她已經有末期癌症,但大部分時間都很有活力
雖然明知結果還是一樣,但還是憑著信心闖完一關又一關,樂活每分每秒
就像一道彩虹,短暫卻永遠留在朋友心裡
朱古力小蛋糕,記得她很喜歡吃朱古力味甜點
今期專欄:彩虹
專欄食譜:朱古力小蛋糕:http://goo.gl/l5wSNc


2015年5月19日 星期二

十個脆


話說包包食麵包都一段時間

但我係上星期六先發現我個仔怕芝麻

上星期我無時間整包,就買了一個有芝麻既豬仔包比佢食

我坐晌旁邊不斷撕麵包比佢,發現佢好用力掉走麵包

於是我同佢講:唔好浪費,你掉落地邊有得食

因為咁我就望住佢,當我撕一塊有芝麻既比佢時,佢臉色一變時時掉

但當只係白麵包時,佢就食

為了進一步測試,我用有芝麻既麵包外皮不停咁去掂落佢個身

佢E哇鬼叫!當然咁好笑既情景我拍低再開心share比親朋

但大家回覆係:包媽媽,你好變態

哈哈!

為了補償比媽媽戲弄,媽媽親自整包比佢食

呢個意大利麵包條如果比BB,就焗一次,佢係香軟既麵包

如果大人食可以加芝士、芝麻,再低溫焗一次,就係脆到不得了既麵包條

咁就大人小朋友都可以一齊食



食譜:fr車人

高筋麵粉         250g

酵母             5g

鹽              5g

糖              5g

牛油               35g

冷水         150ml

高筋麵粉,加酵母撈勻,加入鹽、糖、同冷水搓成糰

然後加入牛油,搓至光滑有彈性

蓋上濕布發酵45分鐘

*如果用麵包機搓,餘下部份就跟住做

取出排氣搓圓,靜置鬆馳15分鐘



將麵糰碌成長方形,再切長條形




再搓成扭條形


用水噴一噴表面,然後灑上芝麻及芝士,再靜置10分鐘

用220度焗15分鐘

*如果要做脆條就等第一次焗完放涼後,再用120度低溫焗15至12分鐘




大少奶's Delicatessen

宣傳你的專頁

2015年5月18日 星期一

天巢法國餐廳 Robuchon au Dome


  澳門之旅最後一站,亦係我引頸以待既一站

天巢法國餐廳  Robuchon au Dome

法國菜令人欣賞既地方係做得好細緻、每一項即使係微細既項目都會好細緻咁去做

做好既法國菜功架好重要

亦因為咁細緻,所以食法國菜分分鐘要用多一倍既時間

但諗落都好正常,人家用最好心機去煮餐,總要每個細節都要細心品嚐吧

這個世界最現實係…人家咁用心去招侍你,你都要用心去領受,所以花點時間都值得

天巢法國餐廳既午餐,當然價錢以品質環境及米芝蓮三星餐廳來計4個course $698係唔算貴了

四個course包括:

Menu Plaisir $698

Appetizer/頭盤

Soup/湯類

魚類或肉類

芝士或甜品

咖啡或茶伴經典糖果

踏入餐廳必會想影既鋼琴 


呢個swarovski水晶裝飾其實係有故事的

呢個設計就係參考女孩子著傘裙既姿態

亦因為呢個概念,所以感覺優美的



先來麵包籃,話就話唔好食咁多留肚

呢度既baguette係無辦法令人忍到

而且配上自家製既鮮牛油,我幾乎將人家既牛油吞掉



牛油是這樣取出來的


我喜歡鹽味牛油,這個牛油是陷阱,令人甘心墮入陷阱的,哈


先來開胃既凍湯

薄荷青豆凍湯配牛奶及蕃茄啫喱


頭盤:

白蘆筍配酥脆慢煮蛋及檸香荷蘭醬(魚子醬另加$280)

個脆蛋面加上脆薯絲,再配上荷蘭醬汁



出面酥脆既薯絲配上裡面仍然係流心既蛋,加上微酸既荷蘭汁

當然鹹香既魚子醬令個蛋更多一個層次

呢個好好食,我好鍾意,但亦諗唔到點做到既一個菜式
 


煙燻鵝肝及朝鮮薊沙律配陳年帕米森芝士

朝鮮薊即係雅枝竹,本身帶有小小酸既再配滑滑既鵝肝

鵝肝煙燻過,但仍然嫩滑

其實煙燻或許唔太高溫,但熱力仍在,火候時間也要配合先會香而唔過火



         湯:法式海鮮濃湯佐香脆蝦


                                   


脆米包著蝦肉,沾些海鮮湯一齊食,香脆之中帶有海鮮湯濃郁




主菜有7款選擇,剛好7個人就可以每款都叫

我無每款都試,所以其他既味道由其他食友去寫

但上菜時見到每款都做個精巧,大家可以睇下相參考下呢



香炒田雞腿伴義式麵糰生菜汁及苦艾酒



法式帶子配海藻黃油, 意式燴飯及海鮮露




慢燉日本和牛頰肉伴紅味噌及嫩煮時蔬

呢個係我揀既主菜,和牛臉肉用慢煮既方法去做

肉質軟滑但唔會散

雖然呢個肉膠質未算太重,但仍感滿意

個汁就係精華再配上菜蔬,可以平衡肉類既膩感

 西班牙伊比利豬肩肉伴青蘋果,花生及香脆玉米餅



                                                            香煎法國鴨胸肉伴西柚蓉及嫩青


日本和牛及香煎鵝肝迷你漢堡伴焦糖燒燈籠椒及薯仔梳乎厘

新增說明文字


                                               香烤鱈魚配蘿蔔泥及法國黃酒羊肚菌




不得不提呢個配菜,係薯蓉

將薯蓉做到如此滑,並非易事,即使好飽都必定要食的




來一個大合照


 甜品時間:

可以選擺甜品或芝士

好友Isaac揀了芝士,噢…部芝士車一推入我們坐既VIP room

整間房都彌漫著芝士既鹹香

咁多款點揀好?


配上一籃麵包與餅乾

甜品車來了,選擇困難症又出現


st honore cake,個puff包住焦糖cream,配上酥脆十足既酥皮

好食到不得了



呢個檸檬撻都好好食

酸得來唔會太搶,蛋糕面既meringue無想像中咁甜

做meringue其實要煮個濃糖水再加打白打成

要打得起,就要更多既糖,所以一般馬令係好甜

但呢個馬令唔太甜,但又打得起,當然人家是大師實有更好既方法


以為甜品已經完?

仲有既係令人更加難抗拒既 petit four

每一款都係精美既法式小甜點

將配咖啡既小點做成一部車咁多款,實在壯觀的



我最鍾意小軟糖,其他甜點交比食友了

謝謝新葡京酒店招待,讓我有一個舒適又飽滿既旅程

叉足電帶住愉快心情回家,回到家後包包與我久別重逢給我甜甜擁抱

一個心靈的petit four






大少奶's Delicatessen

宣傳你的專頁