2012年11月30日 星期五

絲絲粟粟(粟米鬚生熟薏米水)


今日我入迪士尼啊,迪士尼去十次都會開心

當然好enjoy佢既氣氛啦

呢個星期忙足5日,但都愉快渡過

天氣成日落雨又無陽光好煩

話說我屋企呢幾日勁潮濕,昨日朝早我頂唔順覺得濕得太辛苦

就叫大少爺推部抽濕機入房抽濕,我就繼續ZzzzzzzzZzzzzzzzzz

點知…我訓兩個鐘後覺得喉嚨好乾,相信抽濕機抽乾埋我

幾驚d皮膚太乾唔上粉

昨日試菜後有2.5個鐘回家休息

於是我一邊回家一邊諗到底仲可以整d乜比大少爺?

最後煲粟米鬚水,粟米鬚+糖冬瓜+生熟薏米

煲出來清甜,可以去水腫、利尿、清熱、去濕、加生熟薏米、同糖冬瓜去煲


粟米鬚有新鮮同乾

新鮮個顏色淡既,好清既感覺

如果用乾就會好似我呢杯咁,較深色,個感覺有d似.........染得太多,染到罕晒既啡色假髮

其實功效一樣,不過新鮮既就會有粟米味濃d

下次要買新鮮再煲

乾粟米鬚       2兩 (藥材店買)

生熟薏米       $5(我買$10分兩次,無磅過幾多)

糖冬瓜         大半包(或用片糖代替)

做法:

將粟米鬚沖水略浸,生熟薏米浸10分鐘

煲滾2.5公升水,放入所有材料,煲滾後轉慢火煲1個鐘  


用糖冬瓜基本上唔使落糖,但如果唔夠甜就可以加片糖





玉 米 鬚 即 粟 米 鬚 , 味 甘 , 性 平 , 具 有 利 水 通 淋 , 利 膽 退 黃 , 降 壓 , 解 熱 等 功 效 。 常 用 於 腎 炎 , 水 腫 , 小 便 不 暢 , 泌 尿 系 統 感 染 , 膽 石 症 , 黃 疸 , 膽 囊 炎 , 高 血 壓 , 發 熱 等 疾 病 。 經 常 服 用 玉 米 鬚 更 有 瘦 身 纖 體 的 功 效 。 此 外 , 它 對 預 防 和 治 療 糖 尿 病 也 有 不 錯 的 功 效 。 玉 米 鬚 是 十 分 廉 宜 的 食 品 , 有 乾 品 和 鮮 品 兩 種 。 兩 者 功 效 相 若 , 不 過 , 鮮 品 要 到 街 市 購 買 , 而 乾 品 可 在 藥 店 買 到 。煲 湯 而 言 , 鮮 品 較 佳 ; 不 過 乾 品 卻 可 以 保 存 較 久 。

2012年11月29日 星期四

有時候...有時候~(紅豆糕)


寫呢篇既時候係淩晨1點半,好眼睏

但因為明早一起有又去tasting,然後夜晚又有event

所以要寫定

免得你們把我忘記,我會好傷心的~

昨日又整紅豆糕,原因要幫教會整80人份量,當然要留低少少比自己試味




除了刁嘴還很刁蠻
大約6歲開始就討厭紅豆沙
不是因為味道,而是太普通
那些酒樓附送的紅豆沙被我鄙視
所以每次到晚飯尾聲,我便嚷著要看甜品menu
總之要走出附送甜品紅豆沙的圈套

其實我並非討厭紅豆的味道,而是我不愛沒有心思的食物

不愛紅豆沙卻愛紅豆糕


紅豆有鐵質,也可補血

做成甜甜的甜品,吃下有幸福的感覺

然後想起了.............................................王菲的紅豆





有時候 有時候 我會相信一切有盡頭
      相聚離開 都有時候 沒有甚麼會永垂不朽
      可是我 有時候 寧願選擇留戀不放手
      等到風景都看透 也許你會陪我 看細水長流

      還沒為你把紅豆 熬成纏綿的傷口
      然後一起分享 會更明白 相思的哀愁
      還沒好好的感受 醒著親吻的溫柔
      可能在我左右 你才追求 孤獨的自由






食譜:

紅豆    半斤

粘米粉 250g + 250-280g水(如果喜愛實身的,就不用加太多水250-280ml這個份量是我做過較好的質感)

冰糖    隨意




1.先將紅豆洗淨浸冰水





2.煲一煲水大約1500CC至2000cc,,煲滾水後,紅豆隔走冰水,趁凍倒落滾水中煲,大火滾起轉細火煲2~3小時
(紅豆起晒沙溶晒就可以)



3.煲好紅豆後加冰糖,視付口味加冰糖

4.粘米粉遂少加水至成漿,倒入紅豆沙中攪勻,然後蒸45分鐘





放涼切件入雪櫃食得,哼

2012年11月28日 星期三

Macau@新葡京酒店 (Day 1)


昨晚終於回來了,隻船拋得好利害

本應可以搭早一班船,但因為某d原因.......企晌酒店大堂等車,等差唔多半個鐘

晌碼頭連人帶跑咁搭到9:45pm船

整個trip美食為主,新葡京內既餐廳的確出色

到步第一個午餐:Don Alfonso Macau當奧豐素1890意式料理

由享譽國際廚師Alfonso Laccarion主理

屬於意大利南部傳統高級菜式

的確由麵包開始,每一款都感覺驚喜,意大利菜都著重於清新

所有材料都由意大利自家農場種出來



籃麵包好食到不得了,配上香醇帶甜既陳醋,好難忍得住


帶子粉糰配墨魚汁海膽及小芹芹

將帶子打成丸子,但裡面全部都唔用麵粉,所以帶子鮮味而有彈性



炸朝鮮薊配水牛芝士,薄荷汁及黑松露


南意大利蕃茄湯配紅鰹魚及香草

個湯既蕃茄味好濃,微酸但又唔會腥



傳統螺絲粉伴地中海蜆及黃瓜

睇佢似電話線?哈~其實Chef小時候見過佢媽媽用冷針去捲pasta,大個便用筷子去捲

每一個廚師都會有某個情意結的

個黃瓜汁唔會腥,用黃瓜去做汁其實好難,因為小黃瓜佢d汁有腥味,汁較稀身

所以呢個汁好新鮮既感覺



鹿兒島和牛配三式醬汁、青水欖、蕃茄及辣根

牛煎得好都不特止,三種味道醬汁更做得好

我最喜歡白色辣根味


脆葉釀玉桂忌廉櫻桃

佢個酥皮好食到不得了,玉桂忌廉又好香,即使再飽仍要食


戒了凍檸檬茶,轉飲熱檸檬茶了


上房休息,今次事頭婆又過澳門陪我

房設施令人開心


有sream bath


有Jacuzzi

徹底地去除疲勞


之後晚餐時間

晌新葡京內既"8"餐廳

食中菜,但又係好有驚喜,由賣相至到味道及價錢

賣相好、味道好,但價錢真係好抵

餐廳設計同裝潢都特別,但我無影得太多相,咁留番大家去體驗吧!哈






餐前小食



先來點心

鮑魚燒賣



30年陳皮小籠包

呢個堅好食,陳皮既香味滲透落個包中



金魚蝦餃

佢用紅蘿蔔汁去上色,好靚啊



金錢雞

呢個係古法既菜式,香港而家唔係太多地方有

原本係燒雞肝、肥肉及叉燒用然後燒

但呢個係…鵝肝,賣$38一件實在太抵

同埋呢個太好食,鵝肝燒完都仍帶濕潤唔會太乾



椒鹽龍利(我用九方打唔到個正字,見諒)

佢魚柳魚好食,但條骨先係重點,香脆到不得了



炒龍蝦

佢用豆豉去炒,龍蝦係唔可以過熟,一過熟會收縮,但師傅做到熟而唔會縮,仍嫩及彈牙




呢個係玉子豆腐釀入齋菜

一條玉子豆腐挖空唔爛再釀入齋菜

相信我唔會整到呢!




柚子雞

將雞燒完片皮,雞肉拆絲配柚子

雞皮香脆無肥油,雞絲柚子,唔錯啊



膏蟹蝦球荷葉飯

難得膏蟹既膏唔會硬,成個飯好香,like


雪人包

佢個頭係紅豆餡、個身係奶皇燕窩

熱辣辣,賣相都已令人開心


芒果金魚布甸,芒果係用真芒果打沐做,並唔係坊間用果蓉去做,味道大不同

呢個好好食
















2012年11月27日 星期二

沙筋(沙爹炆牛筋)


我仍然同你一水隔天涯,仍然未回港

但仍然有post,係咪乖先?

今日post沙爹牛筋,秋冬會想食d好熱既食物

我已經轉飲熱檸茶接近一個月

飲熱0茶唔慣都要慣,只希望夏天我仍忍得到


沙爹感覺夠HoT!!!!!!!!!!!!!!!!,但其實好肥,d沙爹醬好多油,一開個蓋成層油

所以少食少食,但總會食

呢個牛筋成為大少爺既至愛菜式,佢食得好開心

緊係啦!開正佢瓣,濃啦、熱啦、煲仔啦

不過我都好喜愛牛筋,膠原夠勁!正~




牛筋 1斤

薑、蔥

沙爹醬  2湯匙

糖 2茶匙

生抽 半湯匙

洋蔥 1個切件(分開一半份量)

青椒 切件

做法:

先沖洗牛筋,然後薑蔥煲水,放牛筋,然後煮佢20分鐘,唔好開鑊蓋焗至水涼



將牛筋切件,爆香薑蔥、半份量既洋蔥、加入牛筋略兜,然後加兩湯匙沙爹醬,加生抽及糖

然後加入水,水份量蓋過牛筋面

*我用Fissler高速煲,用3號速煮20分鐘,減壓排氣

如果普通炆就加多少少水,炆大約1.5~2個鐘

最後再加入另一半份量既洋蔥及青椒,兜至香味出便可以熄火上碟
(最後再加洋蔥及青椒個原因係炆既時候會炆到洋蔥及青椒溶晒,最後再加入去煮可以增加香味及能夠有爽既青椒及洋蔥一齊食)  

↓  如用高速煲,水只需要過面便可以,因為佢炆時無水份蒸發

但普通炆你要加多少少水同埋要得閒攪下佢或者加水,因為牛筋膠質重,好易黏底的,注意啊







2012年11月26日 星期一

扮譚仔(土匪雞翼食譜)


當大家見到呢篇既時候…我與你已一水隔天涯

我已經渡輪上過大海

又去澳門了了了

今次去新葡京試菜

我唔晌香港但已經寫定了兩篇blog,到時到候會出post架

我唔偷懶你都唔准懶要睇我blog

譚仔雲南米線…相信大家都食過,其實我食過幾次

對於我來講唔係賣飛佛,只覺得其中兩款小食唔錯

一.蒜泥白肉

二.土匪雞翼

之前整後前者,今次整埋後者

話說我咪買左包孜然粉既,跟住整完一次羊架後就唔知整乜好

有得我亂咁整雞翼,結果變成跌打酒加臘鴨咁既味

後來有朋友寫過食譜比我,我當然信晒咁整

不過份量就有所調較

試完後大少爺話一樣味啊!雖然譚仔既土匪雞翼唔知係咪正宗既味,但我整到譚仔既味

哼~




雞翼   12隻

孜然粉  2茶匙

生抽    2茶匙

老抽    半茶匙

糖       2茶匙

鹽       1茶匙

五香粉   1茶匙

紹酒     1茶匙

栗粉     1茶匙

蒜頭3粒切片

***********************************************************************************************

黑芝麻    2茶匙先烘脆

辣椒仔2隻或可以用辣椒粉做埋醃料去醃

將雞翼抹乾然後撈晒d調味同蒜片入去醃最少兩個鐘,最好醃過夜

然後煎好後剪碎辣椒粒,放落鑊兜勻雞翼,最後可以灑上黑芝麻

*孜然粉蒙古及雲南有售,我晌香港雜貨舖買!哈哈








2012年11月25日 星期日

忽然飲食有倉開


開倉通常都一鍋蜂咁去,呢d我偏唔去

近日忽然1周記者聯絡有個開倉,個開倉唔係單一品牌去開

同埋d品牌唔係名不經傳,而係大多都係聽過見過用過甚至食過


而係每樣都有d

有大家都熟悉既牛頭牌、老字號、唐安麒產品、仲有Roll既曲奇,甚至紅酒同黑毛豬都有

我唔會所有都放晒上來,但我會放自己認為唔錯既產品,當然我都有買d啦

好!去片~

黑毛豬火腿…價錢其實好抵,買兩pack送紅酒



紅酒








其次係老字號…食過佢晌九龍城間店既糟露蛋,非常好食,但蛋係糖心既

超愛…當我好興奮咁走埋去想買時,佢d貨未到,我極度失落

佢既醉香食品好好食架!嗚~~~~~~~~~我要醉蛋啊


我好想食,真係好好食的



有醉鴨舌,我朋友話好好食架



唐安麒瘦身食品同酵精有88折,我知道會有Ladies喜歡,所以影埋報導下咁啦



酵精



粟米水,我鍾意個粟米鬚水啊,又清唔太甜,佢有粟米汁,有試飲架!可以試下先買

價錢抵





估唔到…有埋Paul Frank,一個福袋先係$268,可以買去聖誕交換禮物呢



抵抵抵




Roll既曲奇同蝴蝶酥




當然唔少得家品,牛頭牌家品都好平


台灣香腸都有啊!




牛頭牌家品倉 長沙灣道828號萬利中心1樓全層 (港鐵荔枝角站B1出口)

營業時間:10am-7:30pm