2009年9月30日 星期三

慰藉


又係玩焗爐

其實我無乜時間去整其他

今日動筆寫書,係時候要整理自己既稿,原來自己每個chapter都只係draft得少少

加上我要做烏GG姊妹
聽日我就要執走佬袋,去酒店陪烏GG過夜
陪過夜既有我同埋呀茄

烏GG結婚比之前vanlily結婚更加緊張同勞心勞力
烏G佢成日都甩甩漏漏
又嘆慢版
我話過佢結婚後我要佢買靈芝孢子比我補身
晌佢攪結婚以來,我浪費好好多細胞呢

話說回來,愛之深、恨之切
烏GG係我最愛既朋友之一
佢實在對我好好,所以我會好著緊佢

聽日餅神要為佢做幾層高結婚蛋糕,努力啊

由於我聽晚去酒店過夜、後日又忙足一日,2日一夜無得見啊
所以整定個蛋糕比大少爺
係大少爺喜愛既蘋果蛋糕,當做一點慰籍吧

一舉兩得,我將個爐調低10度,開始掌握到少少喇!




聽晚我會直擊酒店、上頭實況,各姊妹我會update實況架!留意喇!

2009年9月29日 星期二

第一回


噢~呢個星期忙到爆啊!
烏GG結婚,攪到成班餓底都忙
尤其我同呀茄、vanlily同mini

連原本想開始寫書都未寫到

但好朋友結婚,忙都值得
佢當我好朋友先會比我參予佢既婚禮,我應該為呢個友情忙碌而開心

返到屋企就玩新爐,芝士焗龍蝦

其實有好多白汁,但我放晌伊麵面先再放龍蝦

最後又加多少少汁上龍蝦面,咁樣麵都有足夠汁呢




話說琴日傾盆大雨去拎裙
然後去B記,順便落APM吉之島買龍蝦
係有個魚缸游緊水,然後自己揀隻
有專人去"湯"

好方便下!全部$208一隻
Citysuper多數係$238一隻

想去買游水新鮮龍蝦可以考慮去呢兩間超市呢




2009年9月28日 星期一

望、聞、問、切


之前個焗爐唔足溫度,情況越來越嚴重

實在無辦法再忍受人哋食譜焗30分鐘,而我就要焗足1個鐘30分鐘

但我又唔知點解的唔起心肝去買

上星期六終於忍唔住去睇,跟住再問餅神

決定跟佢買 Delonghi,但當然我唔會買佢28L咁大

我買部21L

然後…餅神佢話呢部火力大,可以調低20度去焗

好多時有人問焗幾多分鐘?真係好難答

每個爐既火力係直接影響焗既時間既呢




我用一個 180度 焗20分鐘既食譜測試

睇住佢由10分鐘開始燶,但狠心既我依然等夠鐘先出爐




呢盤調低20分鐘,焗15分鐘,但都有d燶

我諗我要望聞問切一段時間先得




我反而期待今晚既晚餐,好想快快玩埋晚餐

今晚見

2009年9月26日 星期六

唔好郁啊


今日匆匆過Apm買d嘢,然後匆匆見到佢哋啊

其實呢....每次見到呢d人像、或者臘像,我會諗夜晚佢哋會郁

我細個好怕毛公仔,因為我細個以為毛公仔係動物

娃娃公仔,我又怕會郁

所以我好唔鍾意公仔,細個只玩Barbie,就算Barbie郁都只係行catwalk嘛

後來…我睇完Toy story就知我諗既公仔會郁…係真架




好真實啊




佢會講說話又會貶眼仲會郁啊







毛主席與鄧先生




佢哋會唔會晌我個blog郁架?

2009年9月25日 星期五

好忙前


好想快快今晚啊
今晚約烏GG同呀茄,呢個組合當然係...shopping
各人都有自己目標啊

下星期就開始超忙,因為做烏GG姊妹
之前都會陪佢乜乜物物、幫餅神手整結婚蛋糕、仲要去陪新娘G酒店過夜
一個星期有4日係因為烏G婚禮而忙啊


今日我有少少時間整lunch,呢輪都無乜整lunch
下星期又唔得閒
過完下星期我要開始寫新書
希望快快去旅行休息呢

仍然記得我買蟹肉整伊麵嗎?
當時試完後,我再去買多幾包
放雪櫃隨時用都得

登~登~蟹肉奶油菠菜焗釀大磨菇









2009年9月24日 星期四

一小節


早幾日既晚餐,蟹肉扒伊麵

大少爺好鍾意食伊麵,但我又只會諗到蟹肉扒伊麵

咁...................就蟹肉扒伊麵啦

蟹肉我試過買超市既熟蟹肉,唔太好食

但自己拆隻蟹再煮,我就會邊拆邊食

終於.........買到一隻生拆既蟹肉,仲係蟹鉗肉

呢...蟹鉗除咗個鉗外,仲有一小節既

就係呢一小節啊!




睇下…可以將佢放落暖既檸檬、鹽水解凍

係生唔係熟既




呢pack就係啊!吉之島$26一pack

希望佢長期供應,咁隨時可以整蟹肉乜乜、蟹肉物物喇




2009年9月23日 星期三

唔該蔗蔗


今朝終於感到少少秋意
不過...瞬間即逝,噢~

秋天就會想煲竹蔗茅根馬蹄水
今次順便整蔗蝦

我買多d竹蔗,留起比較幼身既整蔗蝦

馬蹄又可以用一、兩個剁粒粒混入蝦膠

一舉幾得!得咗.............哼~~~~

今次蝦膠係買既,但我都用新鮮既蝦切粒混埋入去蝦膠

又係以焗代炸既蔗蝦啊!焗爐係偉大發明




焗既時候用錫紙包頭包尾,焗完條蔗唔會變黑啊

焗前晌個盤掃一層油,否則會黏底

如果你整型時,覺得蝦膠黏手,只需要晌手沾少少水,就唔黏喇

鯪魚肉都係可以先沾水上手,就唔黏手呢




煲ing既蔗水呢




2009年9月21日 星期一

叉雞


呢個係叉燒

你見到既係雞翼,但其實係叉燒

佢唔係叉燒,其實係雞翼

即係話佢係叉燒、又係雞翼

之前Vanlily整叉燒時,整得好開心!但我又唔係太大興趣

之後佢又將整叉燒既方法換落雞翼度,覺得好好味

反而又引起我興趣,咁我之前買晒l既材料點都有剩

所以跟埋整雞翼

佢唔係紅色,因為我無落橘紅粉呢

不過...原來呢個方法都好味啊

Vanlily你快返來啊)))))返來啊))))))))))))))))0




2009年9月18日 星期五

重聚


上次寫完本書後,就無再買黑松露芝士

次次都係賣晒,time square間city's super成日無貨

呢隻芝士滑一滑,黑松露既香味,記得本書出版後,都有好多人買來試

評語都覺得唔錯

今朝出TST去買嘢,然後上city's super碰運氣

見到得番一塊仔,好開心!




Thanks God~

2009年9月16日 星期三

啤 @東京和食


今日刷牙洗臉後,屋企無水啊
原來大廈要整水喉,但我無睇到張通告
跟住唔知點解覺得屋企無水就要逃離現場
拿拿臨打比Fiona出來食個lunch同行一陣

食lunch前百德新街乜都未開
食完就好傾盤大雨,大雨到成條褲都濕晒
唯有同Fiona各散東西

我心諗:唔係呀嘛!我屋企今日無水,但唔代表我缺水
唔駛咁大雨嘛???

幸好!大少爺今日放半日假,接埋我一齊去sweetie補給材料
好耐無整過蛋糕
然後就返屋企,返到屋企停晒雨

繼...哼~~同埋噢~~之外

今次仲唔一聲?

去東京和食,叫兩個餐 share食

一個Sukiyaki
好鍾意Sukiyaki 既味啊!呢set $83




哈哈!影完相後隻蛋....熟左啊!


另一個係.....唔記得乜名,有八小碟同埋烏冬、天婦羅
乜都有d,佢好處每樣都有兩件,咁就可以兩份食啦!

呢個set $128好抵呢




八小碟有剌身、有涼伴茄子、炸魚、壽司、三文魚卷、章魚小丸子、豆腐沙律

金菇牛肉卷,兩個人每樣一件剛剛好




個set仲有天婦羅同烏冬

整體都OK架




仲有甜品同茶添!







2009年9月15日 星期二

日與夜


給親愛的鹹牛肉

與你錯過終點 命運都改篇

我愛你快了一點

你發現慢了點

原本這個風雨交加的夜晚,我能與你相聚
我可以把我對你完全地佔有
把你原原本本的吞落肚
然後…日夕回味你的味道

可惜…發現得太遲,我今早已經相約叉燒
這個叉燒炳是我的好朋友Vanlily介紹的,一直很想與他見見面
但我遲遲未有行動
直到今日…

下午已經知道巨爵勿勿的來,原本我也堅持相聚
但我的精神領袖大少爺也十分渴與叉燒炳相聚
令我忍痛地把你再一次再一次地拋開

如果你知我苦衷 何以沒一絲感動?
難得你這個朋友      極陶醉       但痛




呢個叉燒係Vanlily私人醒無得頂既食譜

係某酒家既叉燒食譜呢!原來整叉燒係好容易架




1000hrs..Yeah!!!!!!趕得切食鹹牛肉三文治做早餐!

2009年9月13日 星期日

913 @ SPOON by Alain Ducasse


今日結婚週年紀念,當然要慶祝慶祝下
有諗過去澳門,我想住MGM,但太熱唔係好想去
好彩無去,否則…下晝熱到暈、夜晚又落大雨

打算訂位食bunch,有好幾間都Full
大少爺話不如再食Sabatini,我又唔多想

最後訂到SPOON by Alain Ducasse
噢!實在感恩
係一個非常好既選擇

呢個又係semi buffet
頭盤分幾類
各式風乾火腿、沙律

有十種芝士、各款麵包

small dish、同湯、各款果汁

有六款主菜選擇,有紅酒提供

仲有甜品又係以buffet形式既,甜品實在太好味

先來香檳,香檳好好飲




天花板全部都係.spoon




可惜天色唔好,安排到窗口位,好舒服呢




呢個範圍係芝士、麵包、乳酪、各款果汁




呢個係small dish、另有一個係火腿同沙律既






各款風乾火腿、即切既最好味,哈蜜瓜做成一卷卷,方便卷起火腿食呢

仲有煙三文魚、燒牛肉.etc




small dish..左手邊個蟹肉杯好好味,仲有大少食鍾意右手邊既牛油果蝦沙律




各款麵包都好味,大少爺爺鍾意牛角包

隔離兩片大既芝士最好味啊






即場為客人撈既caesar salad,係Lobster caesar salad

隔離係小杯磨菇湯






呢個係大少爺主菜:帶子

我好後悔無揀呢個,呢個好得




我既燒西冷牛扒




最精彩同最好味既部份

當你食完主菜,會有 captain帶領入一個甜品廚房,然後自己選擇

全部都係小碟裝!

呢碟我既,個raspberry tart好味






呢碟大少爺,佢好少會食晒成碟甜品,實在太好味

個macaroon超好味,係熱情果夾心,大少爺居然食晒三件




左手邊第一件,係vanlily經常整既香蕉榛子古古力mousse啊!

圓拱型既係芝士蛋糕,係steam既




最後…係結婚禮物,雖然無得旅行慶祝,但都好開心

揀既當然又係鞋,今次揀棗紅色平底,之前已有對高跟,今次買埋平底

To:烏GG,FB有得睇啊!

多謝大少爺




結婚週年紀念日,係兩個人過既節日,但願能夠兩個人一齊過多99年呢

大少爺,多謝你!

感恩有快樂既一日,Thanks God

2009年9月11日 星期五

清豆行動


一年內買豆無數,整一樣就買一樣

然後…發現屋企最多係豆

積積埋埋既豆,大多數都會放埋一邊

再然後就一直放到永永遠遠

通常一次過執晒出來,會有點無語問蒼天,都唔知用來整乜乜物物好

喳喳係一個好方法,將所有豆放晒入去

一煲過........甚至用一鑊熟去形容

哈~第時年尾清豆時

就可以望住d豆講:【你哋今次仲唔一鑊熟?】




2009年9月10日 星期四

登登......


有無留意我好少整蟹呢?

其實我好鍾意食蟹

但係大少爺唔鍾意,而且佢食得太多海鮮,皮膚會敏感呢

咁點算呢?

唯有我唔諗、唔記得、唔想起、唔知道、唔想諗世上有蟹存在

咁萬一突然記番起又點呢?

唯有問下大少爺..........好耐無食過蟹,不如............

此時聰明豆既大少爺實會話:好呀!整蟹啦!你好耐無食喇!

得.........得咗.....哼~~~~~登登......咖哩炒蟹

隻肉蟹好大隻啊!加隻蛋連汁都滑滑呢




2009年9月9日 星期三

To:表弟先生


從前........從前得好緊要既從前呢..............既今日

有一個表姐,佢10個月大時多咗一個好朋友誕生喎

個好朋友個名叫.....表弟

眨下眼.....就n年喇

而家表弟變成表弟先生,佢好叻,仲識得醫魚、識得醫電腦

同不停要食心太軟

表弟先生會寫序,爆出驚人既內幕........................

今日表弟先生生日

祝:表弟先生

生日快樂!每日都快樂!每日都健康!每日都開開心心

我會幫你補開生日會,會用天大既友情搵餅神整個16層唔同味既蛋糕比你

表姐、哥哥敬上

呢個蛋糕係我上網copy既,頂住先啦






各位:你地都留言祝我表弟先生生日快樂丫!

表弟先生來緊又會寫序,你地祝福越多,佢越會爆大鑊回報你地架!

2009年9月8日 星期二

點算?


九月喇!但點解九月都成33、34度架?
點解啊?

從前九月我就會好開心,無咁熱可以不斷出街

但而家起碼去到十一月先會覺得無咁熱

如果十年後無冬天,咁點算呢?

我好鍾意冬天架嘛

你話點算?

But....有個好處,而家6pm~7pm都好光,影相都仲ok呢

唔知點算除了天氣外,仲有琴晚既晚餐

琴晚既晚餐影極都影唔到

遠睇唔知係乜、近睇都估唔到




噢!呢張睇到未?係焗豬扒飯啊