2009年8月31日 星期一

沅紗街


寫新書前我要做多d想做既事,否則閉關時會籮籮攣

星期六同大少爺去敗家

敗完係時候晚飯,但星期六晌香港區好似週圍都人頭湧湧

噢!不如落大坑食晚飯

就去沅紗廚房

我鍾意佢有卡位,兩個人自成一格呢




白玉葡萄,係招牌菜

賣相都幾靚,但一邊食大少爺一邊講:冬瓜做成一粒粒再加獻汁

你都得啦!

哈!多謝晒喎!

其實我覺得佢幾好味呢




鮮拆蟹肉蛋白冬茸羹

呢個都幾好味,打算自己整既之一




蒜泥白肉,呢個都好味

尤其粉皮、夠薄、又滑

以後話人"粉皮",都可能係讚美

你個粉皮又白又滑!哈哈




焗螺........都ok啦




煙燻豉油雞

好重煙燻味,如果唔受得煙燻味既話

就唔好試喇!因為實在太大煙燻味呢




落得大坑當然去埋小甜谷







我要芝麻糊拼杏仁露、大少爺要合桃露拼芝麻糊

都唔錯!唔太甜呢




2009年8月29日 星期六

降溫


大少爺有一日放工後同我講佢好想食綠豆沙
強調要凍既
噢!當然我明白夏天想食凍呢

呢幾日真係好熱
出到街令我覺得自己好似一塊曲奇餅
係晌焗爐焗緊既曲奇
好熱.....好熱

今次買齊香草(即係臭草)、昆布去煲綠豆沙
但唔知點解,我唔鍾意香草啊
唔鍾意呢種味呢




2009年8月27日 星期四

係乜?


以下既係乜呢?




答案:杏仁豆腐麵

係用杏仁豆腐做既,我睇跟甜品書整

我肯定!好肯定!絕對肯定大少爺就算食落口都未必知係乜

我唔明點解男人既味覺好似有問題

次次都要我講係乜先會知,永遠問佢都答錯!

佢地唔係用味覺去判定,係靠估呢!

2009年8月25日 星期二

吓??????????


從前........

有一位太太,佢知佢先生夏天唔願飲湯就煲涼茶,可以雪凍比佢飲

有一日,位太太煲五花茶

放涼後就同先生講:你幫我入樽丫!唔夠樽就入盒吧

之後位太太就無理過d涼茶

第二日,先生滿心歡喜地從廚房拎一個盒出來,另一隻手拎住一隻匙羹

然後...太太就問:咩嚟架?

先生答:五花茶沙冰

太太出現無語問蒼天表情!




就快連飯餸要先雪凍大少爺先肯食呀

2009年8月24日 星期一

加頂帽


話說....今日netvigator唔知係唔係又有問題
攪到朝早好多網頁都睇唔到
但上網上行網頁又唔見有告示喎
打去CS又無人聽
到底.....可唔可以改善下呢?
得個知字都好丫!

琴晚既晚餐係蕃茄牛肉飯+煎蛋,(vanlily話加煎蛋叫做加頂帽)
係大少爺話想食
整呢味蕃茄牛肉,我當然成機整碟頭飯啦啦啦啦啦啦啦
我問佢想要免治牛肉定係牛肉片
佢話牛肉片
最後當然整牛肉片啦

隻蛋用煎蛋既圈圈先煎得好

其實....我仲未識煎蛋架!




2009年8月21日 星期五

好咖


今日鐘點姐姐上來,托佢幫我買牛腩

好手痕想炆牛腩呢

炆定今晚有得食!

其實我鍾意食印度菜,重慶大廈果d呢

鐵板烤雞好好食,咖哩又重香料

不過....而家無人肯陪我去食啊!噢




2009年8月19日 星期三

平燒


琴晚整晚餐,好似好耐無好好去整晚餐咁

不過...都只係簡單去整,都無花太多精神

初初諗不如整full set,但係又提唔起勁去買材料

連個前菜沙律都只係晌雪櫃搵材料

呢個牛油果蕃茄蟹柳沙律,加蟹柳只係增加大少爺食既機會

用橄欖油、檸檬汁、香草、鹽去調味,近日愛上呢種味道既沙律




蜜糖芥末籽烤雞,
後面係蕃茄basil醬既焗薯,無獨立影相

今次用平放方法去焗,平放均勻d、而且唔需要焗太耐

照舊用蔬菜鋪底,焗既中途拎出用流出既蔬菜汁淋面

隻雞唔會變乾呢!

大少爺食既時候同我講:噢!終於食到呢款烤雞啊

我一直不停整比其他朋友食,但都無乜點整過比大少爺食添!

佢對隻烤雞好滿意,咁我就可以多d整啦啦啦啦啦啦啦啦啦啦啦啦啦啦






2009年8月16日 星期日

Sunday lunch @ Sabatini


大少爺放假,好想出外走走

但星期日太逼人

琴日先打電話去Sabatini睇下有無位,好彩有

結果....今日返完教會就去Sabatini

近年開始愛上semi buffet,全buffet既熱暈通常都唔會出色得去邊

倒不如semi buffet可以自己揀一個main course好過啦!

星期日有live band伴奏,今日聽到不停唱生日歌

坐房內都有寧靜感










我飲既sparkling wine




長條型既麵包好好味




磨菇湯




我揀既頭盤!呢度龍蝦起碼好過某d酒店




我最鍾意既生牛肉,伴芝士同菜好好味




大少爺既頭盤,我都有試過蟹腳,都係ok既貨式




呢個魚生多士,個人不太喜歡




呢個扁麵係即煮既,頭盤之一,扁麵完全係al dente,醬汁濃郁




main course:碳烤羊架

我同大少爺都揀羊架!肉質好嫩




甜品其實都唔錯!只係我無試晒,仲有HD雪糕,但我唔多想食




呢個 St. Honore

底層係好脆既酥皮,有cream、有吉士

仲有一粒焦糖puff,甜品中最好味呢個







我要latte,好奇!我居然要Latte,因為近來瞓得唔好呱

大少爺要 Cappuccino




2009年8月13日 星期四

moody berry


近來家事繁忙、心情又麻麻地

希望快d忙完,可以安安樂樂咁休息下

原本買定好多材料,比自己整下蛋糕,趁未開始忙本xx時

可以比自己整吓各樣新嘗試

但係............................無辨法啦

琴日下晝得閒少少,發現原本買定整蛋糕既士多啤梨、raspberry有"異變"跡象

raspberry趕及放冰格,留返做deco,士多啤梨就要食晒佢先

冰格仲有塊熱情果茶曲奇皮晌樹,就整個熱情果茶撻

加自己整既吉士,再放士多啤梨

整日天色都麻麻地,影出來既士多啤梨並唔係活潑士多啤梨

噢~~~~~

bloody mary個friend..........moody berry




2009年8月12日 星期三


紅油抄手

之前整過一次,今日再整

天氣時晴時雨,整紅噹噹既食物振奮下

Red bull送你一對翼~




2009年8月11日 星期二

代哼


呢輪有私人事要辦,太多野要兼顧

回應可能要遲少少覆

呢個杏仁豆腐係跟Rachel既 joy to the kitchen食譜做,係用豆腐花方法整

當然我用豆漿機去整,慳番一個步驟呢

加上新鮮雜果,哼~(代 rachel 哼~既)

心情煩悶既我,望番張相,都感覺有番d心情

知否?是今夜心聲~

知否?第四晚心情~




2009年8月10日 星期一

咁多多


呢個係三文魚他他配牛油果法包

呢個他.....係簡易的他

只需要少少洋蔥、香草、橄欖油、檸檬汁、鹽、少少黑胡椒、少小芥末籽醬

下面層係牛油果蓉,配上法包就攪掂呢




是日忙碌,寫住咁多先!

2009年8月8日 星期六

朋友價@東京和食


一直想訂造一個鑽石鏈咀,但就無的起心肝去造
然後....烏GG 晌一間相熟珠寶店訂造一個差唔多款既,跟住帶埋我去訂造
再然後.....烏GG有朋友價,平咗4位數字
琴日就去取貨,相當滿意呢!

跟住夜晚約烏GG行街,其實無行太多地方,好彩都買到想要既外套!
徘徊晌連卡佛,跟住就去食飯,食完飯要去Franc Franc同ikea

同烏GG去東京和食
噢!都唔錯啊




鵝肝多士




我同烏GG最鍾意食Sukiyaki


仲有松葉蟹釜飯

漏斗計完時就食得!


約烏GG前,我去杏花村辦理私人事務
行過商場見到.........IQ博士一家啊
呢套曾經係我最愛既卡通片啊




哈!我想睇博士平時個樣多d




btw..準新娘 烏GG  影咗輯好靚既結婚相啊!有興趣去睇下 --->Click here

2009年8月7日 星期五

無機


上次BM聚,Rachel整咗一個好好味既甜品

鳥結芭菲

噢!你是如此難以忘記既甜品,Rachel又好好咁share個食譜

然後....貓姐又好快試整,我立定決心整一次

無雪糕機,一直都無諗過整雪糕類甜品

但呢個食譜唔需要用雪糕機就整到!仲好滑添啊

試下啦!整啦啦啦啦啦啦啦啦啦啦啦啦啦啦啦

不過....我跟貓姐既做法,用杏仁代替鳥結糖,因為我準備好時發現無買鳥結糖啊

呢個雪糕我一定會整比親朋戚友試呢




食譜轉載自:Rachel Yau






2009年8月6日 星期四

唔知啊


好大雨啊!聽日開始唔好落喇!

要去街啊!我要同烏G去血拼900個回合,唔好落雨啊

唔知由幾時開始,我開始鍾意食粥
但都只限有味既粥
以前我好怕白粥,係用怕去形容
而家都唔係鍾意

居然久唔久會想食白粥
然後全日都只想食白粥
大少爺當然唔可以只食白粥,就整豉油王炒麵比佢
佢真係好鍾意食麵

豉油王炒麵得銀芽、蔥同豉油
但就好得佢歡心


2009年8月5日 星期三

變蕉


噢!個風慢慢的來、欲匆匆地離去

天氣無咁熱,但我又希望過幾日好天
方便去街
落雨又唔太方便呢

仍記得早前既豆沙煎餅嗎?大少爺好鍾意
個豆沙未係最好
又剩低一大半

其實個豆沙食譜係完全唔用油
有豆殼同無豆殼比我揀,我揀有豆殼版本,因為易做
出來效果又比較乾
結果.................

我諗到加隻香蕉落去,做成香蕉豆沙餡
將所有不足之處都改善
加香蕉個豆沙滑左
原本唔太甜又變得剛剛好

連煎法都有點改變
用焗煎方法,個皮又煙un過之前
一切都好得多

焗煎係煎一陣,用噴水壺噴水,蓋上鑊蓋焗一陣
重複幾次就可以呢


連原本對呢個無興趣既我,都試一個呢!想影餅裡面,但影極都唔好




食譜改編bon bon kitchen

糯米粉 150g
澄麵   30g
糖     50g
水     150ml
油     1湯匙

1將糯米粉+澄麵過篩
2水同糖煮滾,糖溶晒後撞入麵粉中,再加一湯匙油攪勻
3灑糯米粉於檯上,搓成長條圓形
4每次都取出一小糰份量,搓圓按扁入餡料、把收口揉合,做成餅狀
5最後用中慢火煎

*如果覺得黏手,要用糯米粉做手粉,一定要用糯米粉
*煎時要煎得夠透,可以中段時灑小許水再蓋上鑊蓋焗一陣
*未煎既餅熱毛巾蓋上,否則容易變硬


紅豆餡今次我做有豆穀,我覺得未係最好味

遲d我試埋無豆殼版本,先再出食譜!

2009年8月4日 星期二

強攻喜好


噢!到底個風會唔會打得成呢?
就算打唔成都起碼無咁熱
但又希望禮拜尾天氣會好少少,因為要去幾日街啊

呢幾日狂跳funky dance
就係為禮拜尾幾日去街無時間跳呢

講開去街,我每逢夜晚先約人食飯、行街
煮少咗晚餐
但為補償大少爺既損失,我會強攻佢喜好

好多時唔煮飯,最常去既食店係正斗
因為我近年愛上食粥
正斗二人餐會有碟炒粉麵,大少爺特別鍾意食肉絲炒麵

我已經想整好耐既呢!整咗喇!哼~~~~




麵係煎既,其實我有諗過用焗爐焗

個麵要先浸一浸水,索乾先煎,否則會太乾呢

下次試下先!

 


2009年8月2日 星期日

孖風@泉章居


琴日約表弟先生同忌廉bun表妹食晚飯

忌廉bun表妹同我講想食香蕉味既蛋糕
我本身想整個香蕉牛油蛋糕比佢,但諗諗下佢兩個鍾意戚風既質感

就整香蕉戚風!

第一個因為份量無加加減減,果蓉令個蛋糕好濕,甩模時爛埋

即時再焗多個,好彩今次成功,我有個香蕉味蛋糕送比佢兩個

表弟成日叫我整戚風,因為七、八、九月都無紅假啊




約去泉章居

哈!其實今次係我地三個第一次一齊出街晚飯

同表妹行街食嘢就好多次、同表弟先生出去食都有

但三個一齊,仲要叫中菜,個感覺好新鮮

我記憶仲停留晌我地三個參加外公壽宴,去鳳城一齊玩

之後就係我結婚,但都有家長一齊呢

椒鹽鮮魷




鹽焗雞




芝士斑塊




蟹肉西蘭花




之後....表妹話想食甜品,走去後面街間糖百府食棉棉冰

忌廉bun表妹要綠茶味,好濃啊!比TST糖仁街濃郁啊




我同表弟先生要咖啡味,哈~加埋係孖啡




多謝你兩個請我食飯同甜品

記得來緊既自家泰菜啊

表弟先生,琴日一整兩個戚風

表姐盡咗力喇