2009年1月30日 星期五

初四亂嚟


近日太勞累,經常走上床睇電視睇睇下瞓著
琴晚又係走上床睇睇下電視瞓著
矇矓間感到大少爺摸我額頭

又不斷重複問我:你係咪唔舒服呀?你病呀?

哈哈!過度活躍既我,靜靜地瞓覺反而係會令人擔心既呢!

年初四晚約舊同事食飯拜年
原本整個raspberry mousse cake大家一齊食
點知...........
唔知做乜我睇錯份量,個蛋糕得一半
懶醒咁諗個蛋糕用meringue食譜做,唧meringue上面就可以代替半個蛋糕啦!

raspberry帶酸,加燒過既meringue反而好味喎!

deco再加一堆浪漫不羈(即係亂咁放)既士多啤梨

可惜...我唧唔到原本想像既球體
好明顯拎到出街會...如瀑布瀉下來、投進這深深一個海啦啦啦啦啦

結果...就留番晌屋企!




But.........我既諗法係成立
燒過既meringue無論質感同味道都似燒棉花糖
配raspberry的確好好味呢!

加埋個餅底係脆既手指餅!

咁又點?

咪又係唔見得人……噢!

2009年1月27日 星期二

牛年之...哼~~~~~


恭喜發財!恭喜!恭喜!

初一去bear bear舅父屋企拜年,除曲奇餅外
仲有呢個蛋糕,呢個係椰子紅豆mousse cake
舅父鍾意呢類口味既蛋糕!

用手指餅圍邊,手指餅我第二次整,第一次係整大少爺既生日蛋糕

當時第一次做生日蛋糕好緊張
今次無咁緊張又好滿意,條條都差唔多大細呢

紅豆蓉係自己整,因為據聞罐裝紅豆欠缺豆香,自己煲好耐先煲到

因為舅父一家都鍾意cream,用雲厘拿糖、rum酒打成既cream
食落個個都覺得似vanilla雪糕啊
deco就用聖安度唧咀唧!

以我技術當然唧得唔夠靚,年三十晚做足一個下午既蛋糕

呢個蛋糕係我新春第一"哼"呢




裡面兩層,底層椰子味滑到不得了!

面層紅豆自己做,顏色太深,但豆味較香呢




2009年1月26日 星期一

恭喜發財!




恭賀新禧、 恭喜發財、 迎春接福、 萬事如意、 萬事勝意


心想事成、 東成西就、牛眼咁大 、 出入平安、 老少平安

身體健康、 大吉大利、 年年有餘、 生意興隆、 家肥屋潤

金銀滿屋、 福星高照、 步步高陞、 學業進步、 橫財就手

財源廣進、肥牛金菇、 一本萬利、 花開富貴、 如意吉祥

笑口常開、 牛咁勤力 、一團和氣、 風調雨順、 竹報平安

身壯力健、 乜咁牛精、豐衣足食、 國泰民安、 福壽康寧

財運亨通、 五福臨門、 吉星高照、 五穀豐登、  心想事成

龍馬精神、 喜氣洋洋、牛奶公司、  平安大吉、  招財進寶








2009年1月24日 星期六

年廿九糕瘋


今日起身就整兩底糕,呢兩底係比呀妹diana同菇奶奶
聽日返教會時比埋佢兩個

當然又係一半刨絲、一半切條
其實都幾有壓力,第一次整蘿蔔糕送比人

仲有好多事未做,連花都未買,仲要整埋個牛油曲奇去舅父拜年時送比佢
呢兩日食完藥就好睏
連街唔想出,加上凍乜都提唔起勁咁
唯有聽日快快手做埋啦




頭先封埋利是,入利是係工廠式生產
我好怕長時間做同一動作因為我會做做下就無心機
好彩我唔係一部工廠內既啤膠機器,否則會好悶咁過一生

今年用金色利是封
大少爺封比下屬既就用紅色,每次大少爺都要派好多利是
因為就算唔係直屬既下屬,見到大少爺都會去恭賀佢
而大少爺又特別鍾意人地講好意頭說話,佢覺得所有恭賀說話都會變真

大少爺係用光速去派利是,佢係好鍾意派利是

試過派完返來會叫我再唱錢

↓呢度只係......1/8咋!我要抖下先繼續封

後面紅色既就係大少爺會用光速去派既開工利是




1700hrs:今日完成晒4底糕!創我人生既蒸糕既高峰.....糕瘋!

2009年1月23日 星期五

拜年曲奇 (附咖啡曲奇食譜)


雖然屋企已經做好晒清潔、年貨買晒
但聽日、後日仲要蒸糕
今日就做定曲奇

上次去bear bear舅父屋企
表妹話佢同舅父母都鍾意食jenny bakery既曲奇
特別係咖啡同牛油味
所以我早幾日又去買罐裝牛油

今日就整定咖啡味、年三十再整埋牛油曲奇

初一去拜年就可以送上我親手整既曲奇
用espresso整既咖啡曲奇真係好香咖啡味

今年拜年全部自己整....哼~




咖啡牛油曲奇  嗚謝食譜提供的  cherry poon  及 Agnes

材料:
牛油100克
糖霜25克
面粉75克
咖啡粉1湯匙 
粟粉25克

做法:
1.牛油與糖霜打滑
2.篩入面粉,粟粉,  咖啡粉混合成麵團
3.唧花後入爐以180度焗約12分鐘至金黃色

2009年1月22日 星期四

帶妹打擸


呀妹diana今次返香港遇著新年,我無乜時間陪到佢
前日抽少少時間同佢去打擸(食熱狗)
然後去買材料

Topping搬新店,寬敞好多,至少有得坐入室內

又有洗手間!感覺到連食物都好味過之前










我鍾意呢度醬料自助形式




配料任加




呢隻就係我加工後既汪汪喇!連條熱狗腸都唔見埋

其實我係食芝士脆皮腸呢,佢個包係烘過,唔會冷冰冰




呢張終於見到小小香腸喇




呢個好好味既洋蔥圈,係超級好味估唔到咁好味!下次一定要食




呀妹飲既磨菇湯,都幾好味啊!

哈哈!呀妹隻汪汪變形啊




呀妹,家姐下次就帶你去園野春夢........摘蔥......喇~~~~~~~~~~

2009年1月21日 星期三

年糕替品


我鍾意整蘿蔔糕,但唔鍾意整年糕
而且我唔鍾意煎糕
年糕蒸又覺得麻麻地

無甜糕又好似爭dd,所以...........
我今年整凍糕

琴日買唔到桂花,退而求其次買玫瑰花
結果就整呢個....椰汁玫瑰糕
噢!估唔到效果好好
玫瑰花真係好香啊

新年就整呢個比大少爺食,哼~~~




食譜 

椰汁材料 :

熱水 200 ml
魚膠片 15 g (用凍水浸軟)
糖   40 g

椰汁 100 g
淡忌廉 30 g

椰汁糕做法
1)將熱水加糖、再加入已浸軟既魚膠片,攪至完全溶化備用
2)椰汁+淡忌廉,再加已預備既熱糖水,輕輕攪勻


玫瑰花糕材料 :

熱水50g
魚膠片 10 g (用凍水浸軟)
糖 40g

乾玫瑰花  15粒
熱水 200ml


玫瑰花糕做法:
1)將已浸軟魚膠片加入熱水中,再加糖攪至完全溶化
2)用200nl水加入乾玫瑰花,浸泡至完全出味
(可以煲出味,但煲的話要加多些少水,因為煲既過程中會有水揮發)
3)將(1)糖水加入玫瑰花茶攪勻

最後先倒入椰汁雪至凝結、然後加一層玫瑰花茶再雪至凝結,重覆做至完全凝結為止

2009年1月20日 星期二

focus晌邊樹?


某日既一個人的午餐

上海排骨菜飯、綠茶

下晝興致勃勃去整飯,係因為呢輪夜晚都要同大少爺出街辦年貨

同埋每日我都不停咁忙,夜晚想休息

但點解一定要整下飯呢?

點解呢?點解張相既focus唔係碗飯、唔係排骨、又唔係杯茶呢?

點解呢?

因為......我個focus係套franc franc碗碟啊!

新年要紅色、夠紅!




另外連卡佛既碗碟都好靚,仲要唔係貴,仲要好多我鍾意既白色碗碟添啊!

但我會去完旅行先考慮,因為日本間3coins  ,300yen店碗碟都好靚,300yen咋

每次去日本我都會去買返香港,點都要買,hand carry咁拎返香港

睇下啦-->    http://www.3coins.jp/enquete/index.html

過完年既大阪行程當然又要買啦!

2009年1月16日 星期五

忙到發癲


今日忙到癲

一口氣做咗幾款第二本書內食譜既食物
再整表妹生日蛋糕
今晚去bear bear 舅父屋企提早團年
兼提早整生日蛋糕比表妹

表妹唔食生果類既蛋糕
而鍾意朱古力同咖啡味

所以整呢個朱古力mousse配咖啡布甸夾心蛋糕

側邊圍住既係芝麻糖片

蛋糕底係杏仁撻底

呢個芝麻糖片 vanlily同Agnes都成日整
我心思思想試整
原來真係好好味,係芝麻脆糖咁既
大少爺都好鍾意食呢個芝麻糖呢

個蛋糕面我唔夠材料做鏡面
唯有又整焦糖果仁做deco
起碼表妹都食果仁嘛!




希望我表妹鍾意個蛋糕呢

2009年1月14日 星期三

取暖食物


無錯!仍然係午餐
今日下晝都會整第二本書既其中一樣食物
我近來腦閉塞乜都諗唔到
過埋個新年、去完旅行先再努力過吧吧吧吧吧吧吧吧吧吧吧吧

由於我決心多留屋企做好晒過年既各項準備
買備大量存貨for午餐
近日天氣凍,買既都係要煮既食物
今日開烏冬食
係包裝既豬骨湯烏冬,湯底都ok,夾雜少少海苔
烏冬就無乜特別,但勝在方便呢

我加日本魚餅、日本腐皮同滷水蛋
食完好暖,有動力去做其他野呢




就係呢款豬骨湯烏冬,$13 一pack 有2包

方便之選~

總比即食麵好呢




2009年1月13日 星期二

一蜆兩味


近日好忙,忙買嘢
但年貨未買晒,就不停買衫、買長boot、甚至買衫、連介子都買一餐
因為有某些戰利品放上Facebook
攪到笨B媽媽晌face book話:你新年就係忙買袋
yan yan小咪問我年貨包埋手袋?

今日晌屋企做時間表,plan下洗窗簾、約鐘點姐姐
我決定要收心養性留晌屋企做新年要做既事
執屋、清潔、仲要整蘿蔔糕

突然好想食某樣食物
要一定食到
唔食唔得
今次想食既食物係............蜆

我唔係想食炒蜆,係想飲周打蜆湯


仲整埋蝴蝶粉,用Parsley、洋蔥、小小煙肉、蒜蓉、新鮮磨菇爆香蝴蝶粉
遂少遂少加入湯炒至乾身、最後加少少白酒
食時加黑胡椒
好味程度.........哼~~~~


煮好味午餐係可以減壓,又可以慰勞自己
努力啊!

2009年1月12日 星期一

慾望Jungle


噢!白汁煙肉芝士焗西蘭花
因為要做書中食物,逃不過要買芝士
買完又避唔過想食
又抑壓唔到想食芝士慾望

結果就整.........白汁煙肉芝士焗西蘭花做我既晚餐

今次我用北海道3.6牛奶做白汁
無忌廉咁漏
又濃味過普通奶
芝士用Parmesan
最後加焗過既合桃,真係好好味啊!哼~~~~~~~~~~




西蘭花洗完記得用鹽水浸,因為花裡面會藏蟲蟲
用鹽水浸有蟲蟲的話就會浮出來

2009年1月8日 星期四

掩眼法寶


話說今晚約左班我們這一家其中成員食飯
一月我實在無時間,今個月只能夠抽到一晚食飯
今個月忙到極

今朝起身好想整蛋糕送比佢地
就走落街買蕉,噢~~~無熟透香蕉
唯有買近乎熟既蕉吧

近乎熟當然唔夠香蕉味
焗好後我當然唔滿意
實在無時間再整
但呢件無乜蕉味蛋糕實在............
尤其係今晚要送比蛋糕界令人聞風喪膽既.........餅神
唉.........唯有用掩眼法
加焦糖合桃同焦糖上蛋糕面啦

蛋糕唔好味,都可以食焦糖合桃吧吧吧吧吧吧吧




唔識包裝既我,只有小底紙加透明膠條包著




我又辣親手指喇!嗚~~~~~~~~~~




待續..................................................

2009年1月7日 星期三

Wakaaa@Al Dente


今日約烏GG食lunch
一早出去辦理私務後有多餘時間出CWB,用30分鐘時間晌2間shop買到3件衫
去到中環搵烏GG時我已經一臉滿足咁
袋到個袋脹晒!
而家既衫減得太平喇

同GG上Soho食lunch
噢由於我無帶大機,用DC影
居然有唔慣感覺啊

今次揀AL Dente







呢個Green salad非常好味,個rocket非常新鮮,個醋汁都好好味




之前我已經試過呢間既牛牛,我當時同fiona形容好似拳套一樣

今次都唔例外,有好香既燒烤味呢

肉都好稔啊




dessert

Um...........menu話係焦糖香蕉蛋糕配雪糕

但來到係Rum酒提子布甸,都OK!但唔係人人受得

我覺得幾好,但烏GG好怕啊




食完陪烏GG返公司,烏GG一路行,一路比我攪到佢笑到肚痛

仲痛到行唔到

呀G,你太激動喇!wakakkakakaaaaaaaaaaaaaaaaa