2008年10月31日 星期五

無眼睇


日本版香蕉蛋糕

失敗

發唔起

無語問蒼天

但味道好

嗚~~~~~~~~~~~~~~~~~~~~~~~

                                                           ~完~




2008年10月29日 星期三

測試抽


呢個係瑞士汁雞下腿
又整既原因係.............我想測試老抽
之前做星期見到呀蘇整瑞士雞亦時,講過唔同老抽唔同味
我就醒起,瑞士雞亦既份量到底係唔係適合所有人呢?

今次轉另一隻老抽,發現效果的確有唔同,鹹味都唔同

煮既時候生抽份量先要減少,試味後再逐少加添,免得過鹹

係減少生抽唔係老抽,因為生抽用作調較鹹味呢

記得試味啊


鍾意呢張相,感覺隻雞腿好近,好似食到佢咁




2008年10月28日 星期二

好接近


今日大少爺 seminar,上晝晌屋企整理文件

我當然要把握機會整午餐比佢食
整...........扮澳洲牛奶公司既常餐

有叉燒米線(我用米線代替湯意粉)
當然有炒蛋啦

我終於整到好貼近既炒蛋喇
係好接近
我用呀蘇教既炒蛋方法 (蛋黃同蛋白分開)
       +
自己諗既方法(加入淡忌廉)
先將蛋白同蛋黃分開
打勻蛋黃+鹽+半湯匙淡忌廉攪勻
再加入蛋白輕輕攪幾下

然後下鑊炒時用鑊鏟向前推,不停用鑊鏟向前推唔好亂兜

今次連大少爺都話好接近啊啊啊啊啊啊啊啊


哼~~~~~~~~~~~~好好味




覺得張相好靚啊




大少奶的秘密網誌   <---已update

2008年10月27日 星期一

好消息


好鍾意食粟米,係由細到大都無變過鍾意食粟米
粟米班塊係我唯一鍾意既飯盒
其實自己整都好容易
我整咗好好味既粟米班塊啊

好多人都會話:
炸嘢...怕彈油
炸嘢...怕油煙
炸嘢...怕油膩
炸嘢...怕麻煩
炸嘢...乜乜物物

我可以講
炸嘢...只要你將炸既食物抹乾水份就唔會怕彈油,就算我炸魚都無油彈到我
炸嘢...沾上粉就會減少彈油既機會
炸嘢...先用猛火將表面炸至表面成形、轉中火炸熟裡面,臨上鑊較猛火將油份逼出就會乾身
炸嘢...只有胡亂拋食物入鑊先會出現彈油
炸嘢...炸完後趁熱用濕布抹番爐具就會乾淨,積埋先抹當然難清理啦
炸嘢...同煎、炒無分別,煎食物有水,都會彈油啊

*無論煎、炒、煮、炸,整完後一定要洗臉,否則油煙累積會慘變黃臉婆




你睇炸完既魚一樣咁乾身啊!到食飯時,我影完相、飲完湯,d魚仲係脆既呢

哼~~~~~~~~~




粟米班塊做法:

魚塊  視符人數 (我用青衣魚柳)

如用冰鮮魚柳先融雪、洗淨、切件抹乾水份,要完全乾透加鹽、胡椒粉少許醃15分鐘

15分鐘後再用廚房紙再抹乾魚塊加入粟粉撈勻

加半隻蛋入魚塊撈勻,再沾上麵粉(其中麵粉加一湯匙吉士粉會更香)

沾上麵粉後要即入鑊炸,炸油只需蓋過魚塊面就可以,先用猛火炸至表面結實,轉中火

變成金黃色後轉回猛火,將油份逼出,撈起隔油 (此步驟很重要,否則會變成油淋淋)

汁料做法:

一罐粟米湯倒入鑊,加兩湯匙水

加鹽 (因為粟米湯偏甜)

最後加半隻打勻既蛋,熄火兜至出現蛋花,將汁淋上魚塊面

Done~~~~

↓近來煮中菜用呢隻日本鹽,用黎調味、尤其炒菜好味好多架!




好消息!

本書上非文學類銷量榜啊!

多謝你哋每一位呢!你哋對我既厚愛係我繼續努力既動力




2008年10月25日 星期六

又係 @ JW


同大少爺行PP前先去JW食lunch
已經唔記得介紹過幾多次JW buffet
但可以肯定每次我都覺得好好味,所以每次有人問邊間食buffet好?
我都答:JW啦

最鍾意JW海鮮外,熱盤、小食都好好味

當日相機唔夠電,影得小部份呢




噢!海鮮啊!澳洲蠔最得我心啊










我最鍾意食ceasar salad 、cheese platter ,你睇下個蟹蓋,爆晒膏啊




當日相機無電,無影到花膠盛況,呢張係上一次去時影既

每次我都食好多花膠




大少爺主攻熟食,係中式熟食

但已經有進步,佢主動食三文魚剌身,除晌日本同見城外,佢好少食魚生架


 


你睇下,坐我對面既大少爺仲陶醉於炒飯、各類熱暈時,我已經食甜品




呢度既 crepe係我最愛




可惜.....................相機已經無晒電,無影到其他甜品

我已經訂定位,就快試Yamm既buffet啊

2008年10月24日 星期五

多得他


初初學焗蛋糕整到muffins已經感動到想喊
到而家我整蛋糕唔叻
但都厭棄muffins

不過我相信muffins係一個初手焗蛋糕既信心之始
多得他......容易整
多得他......失敗機會少
多得他......變化多
多得他......令我初初氣志高昂地想繼續整蛋糕

今次整朱古力muffins配焦糖榛子
噢!好滿意呢~~~~




muffins食譜:

牛油        80g (座溶)
糖             70g
麵粉         80g
無糖可可粉  20g
泡打粉      1茶匙
蛋               一隻
淡忌廉   或奶     50g

做法:預熱180度

1)糖與蛋混合,慢慢分次加入牛油溶液攪勻

2)篩入麵粉、可可粉及泡打粉伴勻

3)忌廉攪勻入杯焗16~20分鐘(視符焗爐火力】

2008年10月23日 星期四

攻呀攻


雖然近來較攰,但我唔可以咁自私要大少爺晚晚出街食
但我又真係想休息
結果.........強攻大少爺喜好
各位觀眾......蒸牛肉飯

今次個牛肉飯我同大少爺都覺得比排骨飯更好味
或者我唔食排骨,自己唔會諗點樣可以整得更好
呢個牛肉飯加咗頭菜,所以更惹味

上面再加兩隻煎蛋,無論點都好............只要加上甜豉油

大少爺都話係好!

學識強攻身邊人喜好,對自己都方便d,哼~~~~~~~~




相信大少爺好肚餓
未開飯已經食半碟菜啊!點解??
我又唔記得按飯煲掣,都話係我最大煮食障礙架啦!

 已update---> 大少奶的秘密網誌

2008年10月22日 星期三

勁推介


我仍然好攰,下晝整曲奇,而家就時光倒流吧

早兩晚又約呀茄、tan tan、GG食晚飯

我哋揀tan tan勁推介既cafe Zambra

我覺得好好啊!又平又好味、—環境又幾舒服、又夠靜

樓上仲有梳化位可以比人飲咖啡傾偈







晚餐 $118有頭盤湯或沙津,沙律有幾款揀,揀咗雞沙律




主菜有好多款揀,有8~10款,揀咗燒三文魚

佢連配菜都好好食啊




芝士焗雞

呢個面層係芝士焗雞,裡面係忌廉芝士薯仔片同菜,好好味




甜品:Banoffe

係面層忌廉、然後後係焦糖香蕉批,你見到會驚,但食落真係超級好味




餐有餐飲,加$10有smoothie,但唔算太好味




我會不停去食其他款色,佢有好多唔同味既pie & tart

加上價錢抵,又好味,最重要唔會限時叫人走啊

地址:灣仔謝斐道239號地下

2008年10月21日 星期二

有喇 (附白汁食譜)


Bear Bear 熊舅父剛返去加拿大一個月,返香港時買一包大煙三文魚比我
我好鍾意食煙三文魚啊
但咁大包全部就咁食式配沙律好似有d乏味

我急不及待整忌廉磨菇煙三文魚Fettuccine
噢!真係好好味啊!我用少少三文魚碎起鑊

到最後煮好汁後熄火,再加整片煙三文魚,咁樣唔會將三文魚整得過熟,但又有微暖感

又唔會令碟pasta熱,但d魚凍既感覺,我又想...............哼~~~~~~




我一直好唔鍾意寫食譜
但一直以本都有好多人問白汁做法
我就寫啦!

白汁做法:1人份量

首先預備洋蔥粒、新鮮磨菇、煙肉或煙三文魚 (做白汁用煙薰食物起鑊會香好多) 份量多少係隨意既

淡忌廉或奶  4湯匙  (如果無忌廉可以用奶代替,但奶無忌廉咁滑)鍾意濃味既可以再加多d份量,但basic4湯匙

雞湯        80~100ml

鹽          少許

香草        隨意

麵粉         1茶匙 <---一定係麵粉,西式唔好用粟粉啊

做法:

1)先用橄欖油或牛油 少許落鑊,爆香洋蔥粒、新鮮磨菇、煙肉或煙三文魚

2)較慢火,加入一茶匙麵粉炒勻材料,直至見唔到粉粒

3)慢慢加入忌廉炒勻

4)分3次加入雞湯,第三次後覺得太杰可以再加雞湯,但如果覺得大稀可以慢火慢慢煮濃個汁,試味唔夠鹹既話加鹽

最後可以加上香草




噢!好大包啊!多謝舅父、舅母




你睇!成隻碟咁大片




雖然每次舅父返加拿大都會買三文魚比我

但係如果bear bear 熊舅父、舅母真係返加拿大定居的話...........我諗會出現一幕

外甥女哭崩太古城

點解係太古城?因為押韻囉

2008年10月17日 星期五

送外賣@滿園


今日送外賣,送我本書比近身小冬vanlily
由於早兩日佢最近書局未返貨,佢一直都睇唔到本書
佢其實係我本書既私人校對
當我寫好就會比佢睇一次,相影好又要比佢睇過先放心,佢會比意見我
甚至比我編輯更早睇到,咁有乜理由佢會無書睇丫

嫁左既近身並唔係撥出去既水,我依然愛錫同經常............"點"佢呢

↓睇下,小冬本書有貼紙架!For someone special

佢係本書第一"序"人喎




我成11點先決定搵佢食lunch,簡直係以最快速度跑出門口搭車
今次食韓國午餐呢

地點滿園




前菜




一碟牛、一碟雞







仲有湯同飯啊




探子回報黃埔大眾書局已經返貨,仲有成棟咁多,噢!會唔會滯銷架?

好多人話CWB商務已經賣晒

所以去CWB買書的話,可以去禮頓中心既 Towngas買啊

多謝Lor提供相片




已update click here---> 大少奶的秘密網誌

2008年10月16日 星期四

太狠了


好開心!睇過本書既朋友都能夠被本書引至發笑,但又有感動既感覺
本書令人悲喜交集
完全展現作者(即係我)既精神分裂特質
你地鍾意本書我都放下心頭大石

送比自己既 mixed  berries tart

只見到士多啤梨?其實我整埋 raspberry 吉士醬啊

哼~~~~~~~~~~~~




今日銅鑼灣towngas會有書賣,市場部講會有張大poster做宣傳
我都好想要張poster啊,市場部人員話會email比我睇
但係..................晴天霹靂網上行電郵服務故障,打去問只拋低一句:今日會維修好
仲話:你可以上網check email
我答:我知!個個網話系統繁忙
個服務熱線人員答:係呀!好繁忙




我真係無語問蒼天,兼怨.........蒼天太狠呀))))))))))))))))))))))))))))))))))))))))))

已update click here---> 大少奶的秘密網誌

多謝blog友Lor報料,銅鑼灣禮頓中心既Towngas已經有我書發售啊

大家去銅鑼灣商務買唔到的話可以去towngas買呢




2008年10月15日 星期三

特別報導


多位探子回報,多間書局已經有我本書賣喇

琴日講漏........銅鑼灣towngas都有得賣呢

好多謝towngas比呢個機會我

今日放自已假,就時光倒流一下
上星期我第一次去mega box
終於的起心肝去行




入到spotlight就不得了
居然有dirty purple既床笠、呢隻我色我好鍾意,又好難買到
dirty purple外,我仲好鍾意深紫色
結果.....................買
見到深紫色窗簾.......又忍唔住買
見到好多紫色絲帶..................買
見到深紫色餐墊............................買
見到好多乜乜物物又.....買

之後再到B & Q,慳電膽 $9一個咋,當然要買
結果.....我一臉滿足咁返屋企

我自己一個去,因為我想靜靜去買家居用品
去到好肚餓,人生路不熟既我就上去food court樓層
點知無樣合心水,見到目黑我就行入去




Um.........大蝦牛肉烏冬都OK,隻蝦都鮮甜




三文魚壽司
其實我見到迴轉壽司唔吸引又少選擇,睇餐牌又無頭緒又求其拎碟三文魚壽司呢




之後見到土耳其雪糕
呢個不得了,好味啊!佢質感帶煙韌感







但味道選擇唔多,我揀杏仁同lemon




特別報導:

Blog友 yan cake 應該係市面上第一個買到書既人

因為佢琴晚晌旺角馬健記已經買到啊!多謝晒