2008年4月30日 星期三

乾脆


上年睇中無油薯片機,但連續兩次去到日本都無買

結果仍然落晌我手上

終於試做,噢!都好脆

最重要無油,呢個係重點

而且唔駛食好鹹既味精粉,當然又落我既法國海鹽去食啦

晌Tokyu hand賣 yen990,都幾抵玩

據聞香港log on有,但我又見唔到呢

用法--->click here







講起鹽

近來我晌黃雙如間舖頭睇中一隻喜瑪拉雅山粉紅鹽,係粉紅色架

如果醃肉,整鹹蛋肉餅,塊肉餅變成粉紅色咪會好香艷

2008年4月28日 星期一

呢個


呢個南瓜抹茶糖不甩

呢個就係南瓜抹茶糖不甩

呢個係我忙到爆都要整既南瓜抹茶糖不甩

呢個係加南瓜、又加抹茶既南瓜抹茶糖不甩

呢個南瓜抹茶糖不甩只需要平常糖不甩食譜一份加抹茶粉、一份加南瓜就可以




繼續..................忙

2008年4月23日 星期三

好芒


繼續芒果

今次係楊枝甘露,我最鍾意既甜品之一

其實呢個係我照平時街外食既而試整

無乜難度,煮西米、新鮮芒果打成汁、加椰汁、加泰國金柚就掂

自已整最好味之處係...

可以加大量新鮮芒果汁,好fresh,哼!

近來芒果大賣,真係越食越好食、越食越濕熱啊




2008年4月22日 星期二

我手


張相係GG幫我影,多謝你啊!

睇完張相發覺自已對手自從要做家務後就殘好多喇

從前我對手用嚟招呼親朋戚友,佢哋好鍾意捉住我隻手

我亦有個習慣,同人講說話時捉住人隻手啊

雖然對手因家務殘晒,但我覺得值得啊




呢張相有彩色版本,但留番晌我本書度先會睇到呢

本書出售既確實日期要視符.........仲有無鬧情緒、有無身痕週街去、有無掛住玩、有無走出街Tea、有無hea晌度、有無爛瞓(我指午睡)、有無追劇、有無掛住油指甲、做mask、傾電話、vanlily有無整蛋糕我食

同埋要睇book唔book到鐘點姐姐.......呢d因素直接影響我能唔能夠準時交齊稿

But 放心~~我只不過嚇下編輯之嘛!哈哈

書展前無意外應該多數會有售既~~

2008年4月21日 星期一

無蛋


記得好幾年前整過芒果布甸,當時乜都唔識既我學識芒果布甸

簡直感動到流眼淚啊

當時既食譜有生雞蛋既,所以之後就無再整過

而市面上布甸粉味道好假,唔好食

直至今日買咗多個芒果,就膽粗粗研制無蛋芒果布甸

哼!成功。。。。。好鮮芒果味啊




食譜

芒果        3個

奶            125ml

淡忌廉    125ml

糖            3~4茶匙 (視符芒果甜度)

吉士粉    2茶匙

魚膠粉    2.5茶匙

做法:

1 .芒果榨汁備用

2.糖、奶加魚膠粉座熱、直至魚膠粉全溶解

3.吉士粉加入淡忌廉攪勻

4. 1+2+3 mix埋後用篩隔一次至幼滑入杯,雪凍 done~~~~

*吉士粉要攪勻否則會凝結成塊狀

寵壞


點解會有蕃茄牛肉粉呢?咩令到我整呢?

點解會有烘包既呢?

做乜晚餐食呢d呢?發生乜事呢?







事緣係...........星期五high tea前同呀妹diana同烏GG先食lunch

我同GG講未食過佢post 茄牛通粉果間食店,好想試

因為我好鍾意食蕃茄

烏GG第一時間已經講:果間勝香園呀?你................................

星期五會合後就開始行,一路行呀烏GG就 briefing我有關既環境、點點點............

結果..................成餐烏GG同呀妹都望我反應

我知我個樣出賣咗我

仲聽到佢兩個講我仲會唔會去食..........................................

的確好濃烈蕃茄味,食物都OK










至於其他................Well....我覺得果度好多人去食,甚至排隊去食

由細到大都被親友界將我列入被【寵壞】界別,我奄尖、挑剔、潔辟

But起碼食完我會有衝動返屋企試整

我會去買外賣既

2008年4月20日 星期日

白既


仍記得我介紹過煮嘢用既紅酒嗎?

晌Citysuper賣既 Click here--->推介

今次輪到白酒,煮海鮮、煮蜆................

我晌吉之島買呢隻白酒 187ml $15.9煮海鮮

佢同一隻牌子紅酒 $10.9咋,但我因為最近去買咗支新紅酒既,所以無買

佢份量少 187ml 比250維他奶更細支

價錢平,紅、白酒煮食物主要係提升香味,唔需要買太貴

好多時買支大既會用唔晒阻地方

煮西餐較鍾意用呢隻牌子既紅、白酒多過cooking wine

因為cooking wine較淡煎牛扒唔夠濃味

 


經常晌citysuper買薄荷葉

但次次用唔晒就淍謝,學Vanlily水種

你睇幾靚,原本葉軟晒,浸水加有機海藻肥,d葉再變番實淨

中間仲發芽,yeah!!!!!!!!!!!!!!!!!




2008年4月18日 星期五

High tea @ Harlan's


今日又借機放自已假

約呀妹Diana去high tea,仲有烏GG

一見Diana就拉佢去連卡佛睇鞋,我諗佢已經感覺到我睇鞋會亂性

之後會合烏GG

High tea我只會揀Harlan's

其實自從我強力推介過Harlan's既午餐與high tea後,好多朋友試完都愛上

因為環境與景觀、食物質素都好好呢

好似見到聖火rehearsal ,但又唔肯定
見到一班人跑同好多警車啊









我對手啊!呀妹幫我影既







我最鍾意Harlans既鹹點


 

我覺得咖啡跟Petit Four係重要既







呀妹、索GG

我今日確實好好好好好開心!哈哈!我又想爆GG既笑料啊

今日GG佢......後面果枱.........有...呀...哇哈哈哈哈哈

本書就快deadline,本書完成後

已晌Harlan's訂定位食Lunch、大少爺又訂定晚飯安排連串慶祝活動

我來緊幾星期唔可以再出街,唔可以再無啦啦放自已假

要努力完成餘下大部份啊!

好早


Good morning~~~~~

有事要外出所以早起身,當然要食早餐

但今日下晝又有約,所以食既早餐簡單dd

黑松露菌醬炒蛋、檸檬薏米水

黑松露菌要配較淡味食物先凸顯味道

黑松露菌醬香味無咁濃烈,配炒蛋都好味架

早餐雖然簡單但都好滿足,哼~~


我皮膚唔算黑、又唔算黃,但總樂此不疲地想美白

檸檬薏米水.......之前post過做法,除美白仲可以去水腫架

生熟薏米  $5<--我無磅過幾重

水  2.5L

冰糖   自行調較

1. 將薏米洗淨,開大火煲滾後轉細火,煲 1 個鐘

2. 熄火加冰糖,放涼放雪櫃,飲既時候可加檸檬




雖然天氣唔太好,但我預料今日我會好開心

今晚見。。。

2008年4月17日 星期四

再粢


冬天時用淨既糯米,又再整粢飯

今朝要去買些蔬果,順道買油條整粢飯

其實好易整,用暖水浸糯米半個鐘再瀝乾水放上碟

蒸前用噴壺噴少少水晌面放碟蒸半個鐘

跟住包切粒炸菜、肉鬆、油條就攪掂

卷時先用微波爐保鮮紙墊著整壽司既卷蓆,似卷壽司咁卷埋

我仲自已用豆漿機整埋豆漿添~

屋企荒原十里都無粢飯賣,唯有自已整先有得食啊




2008年4月16日 星期三

抗氧化撻


其實長時間上網唔覺得攰,但用電腦打字的確睇到眼花好攰

講起打字,其實晌年頭時已經初次與編輯與出版經理見面

一路傾談書既concept,大家都已經不停說說笑笑

突然…我一臉認真咁問編輯:丫!而家交稿係用原稿紙定係電腦send?

當時編輯答:用電腦send多既

我聽完後好似晴天霹靂地答:
噢!我打算學林小姐晌原稿紙噴Chanel香水啊
不過…唔怕我依然學佢著睡裙寫稿

的確我寫稿時真係著睡裙

可惜...........我全屋都係紅色米奇老鼠棉質睡裙(我所有睡裙都係紅色架)

頭戴士多啤梨髮夾加豹紋拖鞋,一身打扮傻婆一樣

藍梅吉士撻,吉士、吉士,一見吉士就掛住我近身vanlily啊
吉士要自已煮先好味,而個撻加了杏仁粉的確好鬆脆
個撻模係去日本時晌cuoca買既,我覺得好好用啊
11月再去東京要買個大size既




2008年4月15日 星期二

情緒假期


呢幾日感到悶悶咁

可能被自已本書填滿成個腦,寫生活散文唔難

但都足足大半個月埋頭苦幹,當然仍有好多未寫未做

琴日好想出街行下,放低晒所有事走出街,乜都唔想諗

但又唔想再買衫,唔想花精神去睇衫褲鞋襪,只想週圍行

結果自已遊車河,無目的地想去邊就邊

先去outback食漢堡包

唔係因為好味,而係我想食漢堡包但唔鍾意去快餐店

要坐得舒服,可以望住隻窗


















跟住慢無目的,突然想去九龍城買泰式香料整泰式魚餅

去睇下南貨店有乜適用材料

一場去到九龍城又要食金滿堂既炭燒咖啡果凍雪芭




晚餐實在食唔落、又無乜心機食,只食西瓜




我唔係有唔開心事

只係煩燥、水腫、頭痛、奄悶、心跳、不安、易攰、集中唔到精神、情緒鬱結

即係..................PMS

但我知道自已係幸運既,因為我鬧情緒可以自已放自已假

可以漫無目的週街走、做自已喜歡既事

感恩

2008年4月12日 星期六

We're family @ 大榮華 & 金滿堂


We're family今日一家團聚,一家人當然要飲茶

一家人有:妹妹diana、菇奶奶 auntie 菇菇姐、遠房親戚大姑娘蝦吉

遠房親戚大姑娘蝦吉,我都唔知佢係乜親戚、都唔知點解係親戚

但佢叫菇奶奶做"菇菇媽",所以變成遠房親戚,噢!

原本仲有我近身 Vanlily,但今日突然有事所以無嚟到

第一次去大榮華,服務無外間講既咁差

起碼唔受得閒氣既我都覺得OK







味道都OK,我仲買兩件馬拉糕返屋企

最好味糯米包、牛柏葉同馬拉糕

呢度無影晒仲有幾樣啊

 


一家人再去嗒糖

噢!金滿堂啊!佢標榜少糖低甜,的確甜度剛剛好




呢個係4個 share既炭燒果凍咖啡雪芭




一家四口每個人都揀榴槤飄香

我哋笑說一枱4碗都係榴槤甜品,臭味遠播

好好味,好香既榴槤啊




我們這一家相親相愛,好開心咁見足4個鐘

終於又 hug到呀妹,我最敬愛既菇奶奶

同大姑娘蝦吉變成遠房親戚,我哋依然一時鬥咀、一時攬頭攬頸

仲有我近身冬菇雖然有事缺值,好掛住佢啊

To  all my family

I love u~u~u~u

2008年4月11日 星期五

$100


今晚大少爺唔返嚟食晚餐,我就可以輕輕鬆鬆咁食自已鍾意既食物

Linguine w/ black truffle

黑松露菌醬配pasta的話,最重要夠簡單

我用新鮮磨菇、蝦加埋扁麵用橄欖油炒,只需要加少少鹽

因為夠簡單先令黑松露菌醬突出味道

簡單都可以好好味,哼!

黑松露菌醬我上網訂購既、280g只需要$278

買滿$400免費送貨啊

最重要係平Citysuper$100啊!Citysuper賣$380

其他貨品都抵買,我呢隻Linguine$10一包、仲有買1L橄欖油$80啊

平過兩大超市

有興趣click here→ http://www.ciboamante.hk/index.php?lang=big5







2008年4月10日 星期四

一個墟的訪問 @ Soft Aroma Cafe


今日已經係一星期裡面第二次見Vanlily

仲有笨B媽媽

我哋3個女人一個墟做了一個專訪

第一次3個人做專訪,感覺好開心

因為我哋就算唔係訪問,坐埋一齊都不停講

完結後又去去Citysuper,今日已經落Citysuper 2次喇

訪問地點:Soft Aroma Cafe

P.s呢個訪問唔係晌我本書內出現

訪問內容絕對保密,直至另行通告(訪問刊出時)




我哋3杯飲品




工作人員既飲品,好似深水炸彈啊




超好味Bagel




一星期裡面第二次見Vanlily,好快第三次,勁!

佢絕對唔會悶,因為我有轉look,強烈對比令佢有新鮮感,哈~

今日三個女人一個墟,好開心啊~~Yeah

↓3013個訂閱者,Yeah!!!!!!!!!!!!!!!!!!!!!






近來愛上


近來愛上yoghurt、係瘋狂愛上

尤其係呢輪天氣令人煩躁

食yoghurt比雪糕好,而且帶有微酸

我最愛既士多啤梨,加上薄荷葉的清新

食完的確感到開心、身心舒暢,哼!

不過…yoghurt係大少爺最怕既食物冠軍




*近日較忙又攰,留言會覆得慢少少見諒



2008年4月8日 星期二

賀賀燒雞


剛才上出版社,諗住同一間出版社可以見到.......佢,佢晌我心目中好型架


噢!但到我走都見唔到佢既影縱,有點失望啊!

佢就係........愛情小說天后張小姐

我見到佢的話會手震、心跳、冒汗

同編輯諗到有新既 idea放晌書,會更有生活感
我既散文部份已經交晒,1 take過全收貨
寫blog用開白話,但出書始終要有正統既文字,幸好應付得到
無白費閉關既時間,而且編輯覺得寫得幾有生活感啊


今晚決定整隻雞賀一賀佢,今次無鐘點姐姐幫

但我買 咗隻無頭雞整燒雞

洋蔥羅勒燒雞

噢!雖然佢無頭,其實我都怕怕地

尤其是上星期睇完古靈精探,比隻雞嚇親

將雞腔灑上鹽、黑椒,塞入洋蔥,鹽灑多少少

雞面灑上鹽、basil ,燒既時候搽一層已溶牛油

燒好後放涼................剪開一半

done!




濕熱 brunch


天氣開始熱,仲要濕熱十分唔好受

心都煩埋

我既口味會隨著天氣而變,一開始熱就想食凍食物

今日要到出版社,琴日行街好攰,但都晌citysuper買定食物做brunch

銅鑼灣空氣好差,唔想特登走出去食嘢!寧願自已整

有Salmon tartare,caesar salad

tartare仲加了mustard添








2008年4月6日 星期日

慶生早餐


早於復活節時,我朋友carmen生日

所以我就到佢工作地方陪佢食生日早餐,而佢工作地方係.......機場

復活節係航空公司忙碌高峰期,見面只有一個鐘

當日還做蘋果蛋糕送比佢

從前機場得T1既時候,覺得無乜好食

但T2開後就吸引得多

我哋選擇T2澳門茶餐廳,估唔到幾好味,其實平時我唔會特別去食

T2而家多了航空公司開counter,所以人流多了

To:carmen

我等你放完假,蜜月後先post呢篇

要快d再約食晚飯呀呀呀呀呀呀




Carmen既炸魚餐

炸魚新鮮炸起夠脆夠熱、仲有粟米菠蘿沙律

炒蛋係似澳洲牛奶公司既味道




我既台式牛肉麵,好好味!夠濃牛肉夠稔




每個卡位都有獨立電視




個蛋糕唔記得影相,但同呢個一模一樣既