2007年7月30日 星期一

變幻原是永恆


今次又係變種,我又將德爾哥比風蘋果蛋糕 轉成 德爾哥比風菠蘿蛋糕

聽日試完味先知味道呢!但個樣就好高分







在此嗚謝:
菇奶奶

幅畫我好鍾意呀!好得意呀

特別係個武松球!

多謝你!







繼續 go go go @ Katong Laksa


今日大少爺到 HQ 進行 seminar
我呢啲跟得夫人緊係跟住佢.............落灣仔食lunch啦
由於琴日講起新加坡所以就去食 "加東叻沙",相信個名係參照新加坡加東
店舖唔算大,但都幾舒適
最好笑係..........無論新加坡既加東 or 香港既加東
都有漿貼梁朝偉曾光顧既照片或有關既報導
不過…同隔離 Al Dente一樣咁細間,好快就坐滿人
串燒牛肉及雞肉
即燒既,醬汁有菠蘿蓉都幾好味


Order咗兩碗正宗叻沙,在於我嚟講係絕對有資格挑剔佢跟本唔算正宗味道
不過…呢度始終係香港嘛!點可以相提並論呢
但一上枱就聞到香味,味道都幾好,材料有蝦、獅鉗、魚片、豆卜、芽菜
但係 "檬粉"做麵底,並唔係 "參參",反而覺得幾好
而且有叻沙葉都幾香,湯底係淆製而成既
叻沙小智識:表面紅色但
唔係辣架!成日有人問面層係紅色係咪好辣,我可以答你:唔係

 

薏米水
有陣陣班蘭香味
不過.........邊種新鮮班蘭味、邊種班蘭香油味,我食得出
何況......睇都睇到啦!
呢杯只係加咗班蘭香油整既,但都好味

食完就行一陣cwb就返屋企
有下午茶餐供應


成日都唔記得講:
各位著35號~35號半鞋女仕既請注意 (其實35~35號半係好細隻腳囉!)
本人發現時代廣場既連卡佛 大量35號~35 號半既鞋減價低至$600~$750
款式有OL返工款同適合casual wear,仲有襟興下季著都OK既款
不過...金鐘既連卡佛就無咁筍,理由係.......品牌關系
記住係Time square呀

可惜........我著37號 無福消受啊
展開尋找37號的故事.........................................

2007年7月29日 星期日

九龍城の甜味


食完好鹹,當然要食甜啦
就去Cindy經常提及既 "金滿堂"少糖低甜專門店
咖啡果凍伴炭燒雪芭
好好味!
咖啡果凍唔太甜但好味
雪芭亦唔太甜,裡面有合桃及咖啡果凍粒粒,個咖啡果凍粒粒比較煙韌
總之好好味



金枝玉葉
其實似楊枝甘露,但無柚子而用荔枝代替
而西米卻用纖果粒做,比西米爽口
佢既甜味來自芒果,幾清新
但我始終比較鍾意有柚子

 

呢碗 "
椰汁涼粉"係大少爺外賣返屋企
走既時候,老闆話碗涼粉內有塊椰汁做既冰,目的係保凍
但又唔會溝淡椰汁味,呢一點細心已好值得加分
2155hrs 後記:
大少爺話覺得個涼粉都特別好味,涼粉比一般既唔同!讚!!!





食完牛肉麵後行去獅子石道買毛巾、睡袍 (有間店舖賣既睡衣唔會起毛粒,非常好著)
路經呢間 "櫻桃麵飽西餅店"
大少爺見到$2件既拿破侖西餅,及$2花生酥條就買嚟試
拿破侖都幾好味好鬆化,係類似美心西餅既拿破侖西餅
當然唔能夠與Zoe cafe1459既酥皮相提並論
$2買到一件唔錯既西餅總會覺值得,因為做餅既師傅真係有比心機做既
花生酥條....我唔食花生所以唔知咩味呢
2155hrs後記:
大少爺話個花生酥條都唔錯!

 
雖然…今日我唔係游走一向鍾情既shopping mall
但感到好開心,我真係好鍾意好鍾意同大少爺一齊去街
感到我倆非常有默契~

九龍城の鹹味


原本我唔想出街,好熱好攰
大少爺想去九龍城探親友,我當然 捨命(熱屎)陪夫君
之後便到"大婆牛肉麵"食晚餐
"大婆牛肉麵"前身係"毓民牛肉麵",好幾年前食過
當時"毓民牛肉麵"好好味,湯有蘿蔔既甜味,唔會得個鹹字
但"大婆牛肉麵"就好鹹,乜味都食唔到只食到好鹹
但牛肉就幾好,稔得嚟唔黐牙而且尚有牛肉味
由於探親友相機隨身,可以影低呢碗鹹麵




2007年7月28日 星期六

delete


delete

預壽 Part I @ 北京樓


今日好開心,預祝cindy生日慶祝
主角Cindy甜痴痴冬菇vanlily烏龜GG
居然烏龜GG最早爬到,而我明明已到尖沙咀,但都忍唔住去行連卡佛
Lunch地點:星光行北京樓
充滿成長中與爸爸回憶點滴既地方
闊別7年,我終於可以帶著快樂心情與星光行北京樓重聚
掛住講,是是但但揀個4人套餐
由於大蝦吉唔在場,烏龜GG成為蹂躪對象,GG令到我同cindy好歡樂
原來人真係最怕改壞名.................GG真係好............慢架!哇哈哈哈哈哈
小籠包、菜餃
 
九不理、魚茸菜羹
 
冷盤:海哲、雞



肉末叉子燒餅
 
甜品:合桃糊  (由於太甜要求更換)
換了椰汁紫米露

 
尚有下回節目、餅神既生日蛋糕、生日禮物
to be continue................................................

2007年7月27日 星期五

充實 @ La Bons cafe


今日係忙碌充實既一日,寫定上回先
我約咗好友  "菇 Si" 食lunch
一間法國餐廳係我一直想介紹既,上次同大少爺食晚餐覺得的價錢抵食、質素好
而且天氣太熱,實在唔想上Soho區
 "菇 Si" 係一個大忙人,所以襯佢得閒就叫佢陪我去呢間餐廳 encore
之後去行陣街食邪惡下午茶,返屋企會upload埋相
休息一陣沖涼換衫出席 "遙遠的壽宴 "
Lunch @ La Bons  Cafe~
lunch hrs 好多人,我大約12:15聽到有人打電話想訂位都full晒
我早3日已經訂位,一定要訂位,我訂12:00剛開門最清靜,但15分鐘後都已經多人
上次夜晚去就大約$130一個 set dinner
而我今次呢個set lunch就 $68、另加$13一件 Tiramisu

磨菇湯
都OK

其實餐牌好多選擇,我選擇牛扒
我朋友 "菇 Si" 選擇羊架

另加$13既 Tiramisu,呢個好味啊
上次晚餐食Apple crumble 都好好味架!

除一般茶或咖啡,仲有果茶選擇
我揀凍熱情果茶

跟住行街,到3:00pm就食 haagen dazs
今次只食兩球,新出熱情芒果味同夏威夷果仁
熱情芒果味幾好,至到31號,要試就快喇!


La bons  cafe
灣仔船街9號A地舖
電話:25271768


2007年7月26日 星期四

陰招


聽日可能較忙,所以趁得閒update先
呢個南乳雞亦係上星期整既,整既時候係因為突然想食南乳味既食物
我本身唔食豬手,所以就整蒜香南乳雞亦,個脆蒜粒特別為大少爺整既
因為好耐之前有個醫生話蒜頭可以舒緩鼻敏感同增強抵抗力,最好連蒜頭肉都食埋
而大少爺有嚴重鼻敏感,當時我就諗好多蒜頭菜式,試過後我覺得功效顯注
可惜蒜頭味佢鍾意,但就往往揀晒蒜頭出嚟唔肯食,次次要剁到好細粒佢先肯罷休
但將蒜頭炸香,佢就主動食,仲津津有味~炸蒜粒唔駛用好多油,因為用小小油炒既方法都可以
我真係感動到想喊,好想大叫:我得咗喇
樂於為身邊人花心思,有時更加要諗點樣會令佢唔覺唔覺咁食咗
而Vanlily更稱之為:陰招!



同場加影菜飯,用珍珠米煮菜飯好味!

其實呢招用過好多次,睇下----->
卑鄙的晚餐

2007年7月25日 星期三

快樂廚


琴晚早瞓、今日早起身
琴日天氣熱+生理期要安坐家中無出街,無買餸
就用屋企物資與最快速度煮意粉
晚餐:煙肉蒜蓉焗青口、白汁香草磨菇意粉
青口
先煲水加鹽同檸檬汁輕輕拖水、鹽同檸檬汁可提升青口鮮味同去雪味
再放上煙肉、蒜蓉去焗青口
青口如果整得唔好,口感就會好似香口膠
而琴日呢個整得剛剛好!good~



不過...聽日、後日、大後日都去街,所以今日好好留晌屋企享受冷氣與我既日子

2007年7月24日 星期二

第一擊


噢!變種第一擊
將原來既德爾哥比風蘋果蛋糕 變為德爾哥比風蜜桃蛋糕
唔好問個名點解?正如我點知鹹水角點解叫鹹水角呢?
打算雪凍先食
不過...個樣已經好得我歡心啊


切開.......
試味後覺得蘋果較好味、較清
不過..蜜桃焗後就一樣juicy唔會乾晒凍食較佳




2007年7月23日 星期一

Hot summer


今日係大暑,可惜…生理期既我唔能夠飲冬瓜水解暑
我既午餐為配合大暑都係好熱帶感覺
有珍多冰同laksa
laksa用laksa醬煮既,但一啲都唔laksa
同新加坡食既相距甚遠.........................................
你只會感覺係有椰汁既沙爹湯底,完全無laksa既層次感
而且欠缺獅鉗、又用墨魚丸取代魚片
反而杯珍多冰就非常稱心滿意呢
 
 

2007年7月20日 星期五

寄語........


收到最後一期透過  【重返校園計劃】受資助小女童既成績表、近照及圖畫

近照中女童長高、成績都好好、圖畫雖然只係由鉛筆畫成但景象都比以前豐富

而信中正式公佈無需要資助,因為中國正式徹底落實九年免費教育

新學年學費及雜費都由中國政府承擔,係一件好事,中國更多更多人有書讀

充心寄語祝福柴方慧
你要努力讀書做,希望你一家人都健康快樂!將來能夠改善生活

可喜消息!中國正式徹底落實九年免費教育




噢!佢既數學比我好,我連用計數機都會錯,我最叻計........折頭




其實幅畫幾大幅,我分開影既,早幾個學期佢都只會畫樹

今次豐富得多

最重要有太陽、雀仔,唔知點解見到佢畫呢兩樣野,比我感覺好開心好有朝氣,或者就係我對佢既期望

有柳樹及好大花花 (大得有點似食人花呢)




若干年後.........有機會再畫圖畫比我的話,我希望佢會畫繁華鬧市、shopping mall
我希望佢能夠多見世界
點解一定係繁華鬧市、shopping mall?
因為我鍾意囉!

有興趣睇返之前有關文章  pls click here